1 Kɔlìn 15:57 - Mundani

⁵⁷ Ka bà kɔ̀ŋka Mbɔ̧ɔ̧mà wu tà ghɨ̂ ba nù tè ntsè, nkàà àghɨa Yesò Klistò Lefɨ̀Ꞌ wa è ghɨ̀ la.

1 Kɔlìn 15:57 Referans Kwoze

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Lûm 8:37

Àghɨ a ntsě. Èghɨ bàà aà mbàta ngɨ̀à ane ya ale, ka baa bɔ̂ ndâ ntsè èbùà ègème, nkàà Yesò wu tà kɔ̀ŋkè awa la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

2 Kɔlìn 9:15

Bà nkɔ̀ŋkà Mbɔ̧ɔ̧mà ane taꞋà àghɨa tà ŋa abua ya betsiꞋa wòt kà ko ndàꞋ ànəa yùà la.

Efesɔ̀s 5:20

Bɨ̀ me kɔ̀ŋka Tǎt wa Mbɔ̧ɔ̧mà àfɨ̀Ꞌ àgème ane àghɨ àgème a ghɨ̀ la ane èlen Yesò Klistò Lefɨ̀Ꞌ wa.

Lûm 7:25

Mâ kɔ̀ŋke a Mbɔ̧ɔ̧mà nê wu Yesò Klistò Lefɨ̀Ꞌ wa ka betsiꞋa tà ghɨ̀ ba pem la. Ale, ane abà ako màa ngɨ̀ e me kɨ ghɨ àghɨa mbɨ̧ Mbɔ̧ɔ̧mà kɨa la a èntɨ̧ɨ̧ am, ayea ko nè abà e me ghɨ wuê a kàbɔ̀ŋ wu mbɨ̧̀ yaã nàa nkɨà la.

2 Kɔlìn 1:11

Bɨ̀a mbɔŋ è me tɨŋe awa mɨ̧̂ ntsàꞋta Mbɔ̧ɔ̧mà. Bɨ̀ ghɨ̀ ale, mbɨ̀Ꞌɨ̀ bòt nyaŋ è dɨ̂ abua Mbɔ̧ɔ̧mà ane ànəa ya, Mbɔ̧ɔ̧mà zəè àtɔŋ èdɨ̂ àyɔb ngɨ̀ ba zə a ntsɔ̧̀. Tà ghɨ̀ ale, bòt nyaŋ e kɔ̀ŋkè atò ane àghɨa tà ghɨ ane ya la.

1 Kɔlìn 15:51

Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

ÀfaꞋa 27:35

Mbɨ̀Ꞌɨ̀ Pɔ̂l è làꞋa èngà̧ waa la, tà nɨ a bled kǒ, ŋà mènkɔ̀ŋke abua Mbɔ̧ɔ̧mà a mbì lɔb bàgème, mbɔ̂ mboꞋ, mbùꞋ me kwele.

Ebùlù 2:14

Ndɨ̀ wu bòt baa tàa ntɔ awɔb nê bɔ̧ la è wu bɔbȩ la, Yesò zìambɔŋ li ntsìꞋi wɔ̀bȩ̂ mbɨ̀Ꞌɨ̀ bɔ̀ɔ̀ba. Tà li ngɨ̀ ale mbɨ̀Ꞌɨ̀ etsòke wòt wu mètàŋ tò nàa ngɨ̀à bòt e pfəꞋtà la. Ŋut wu Satàn.

Ètsə 21:4

Tàa yòò mèsi ègème àghɨ ayɔb, èvə è ka wu li tsi wu, wòt kà wu li tsi edɨ̌ ko me shùù mèsi leꞋ, àdziꞋa wòt à kà wu li tsi saa, nkàà nê èghɨ nyaꞋ e tsě ègème.”