1 Kɔlìn 15:51 - Mundani

⁵¹ Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

1 Kɔlìn 15:51 Referans Kwoze

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

1 Kɔlìn 15:20

Ka ane nkûŋ, Yesò Klistò yu̧u̧me a èbem èsî, mbɨ̀Ꞌɨ̀ wòt mbì tà yu̧u̧me la e nɨ nyɨꞋte nê bòt bu bɔ pfəꞋte la aa li yu̧u̧me.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Kɔlìn 15:6

Tà li mè mpuula a mbì bɔnyɨ ba bɔ tsě ènkɨ̀ yetà̧â̧ la, àdzìꞋ yeamɔꞋ. Èbeko ane yɔb e batè mpfəèꞋtê, ka àbəèꞋ àyɔb nyaŋ a bele èbe yu̧.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

Efesɔ̀s 5:32

Bɔ ghaꞋa taꞋà nkûŋ shu a èbem èngà̧ waa, mâ ko nê e wua ndàꞋà ànəa Yesò Klistò bɔ̂ chɔsì.

Efesɔ̀s 3:3

Mbɔ̧ɔ̧mà zìambɔŋ li shu am ànəa ndò̧ àzi yu a li à kà tuꞋa àbȩ bòt aa ko la. Mâ nyaꞋà shɨ adzìꞋ ane ànəa mbɔŋ abua yɨ̧.

1 Kɔlìn 15:18

Ko aa nyɨꞋte mɨ̧̂ nê, bòt Mbɔ̧ɔ̧mà bu bɔ me pfə ngu nè Yesò Klistò la e nyɔ̂.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

2 Kɔlìn 5:2

Ba ndâ ndɨ̀à a sitsǎꞋ ŋàa nkɨà nê Mbɔ̧ɔ̧mà zì àwa a èbem lob yu a ègwet la,

2 Kɔlìn 5:4

Ane nkûŋ, baa ndâ ndɨ̀à ane mènəè ndzea wa la mbɨ̀Ꞌɨ̀ bà bele a èbem mbɨ̧te ènyit ta tàa tè wu mbɨ̀Ꞌɨ̀ bayò a sitsǎꞋ ŋàà la. Ba ntsea ndɨ̀à nê ba wu e pfəꞋte esǎ mbɨ̧te ènyit taa a sitsǎꞋ ŋàa la. Ba wua ndɨ̀à nkɨà nê Mbɔ̧ɔ̧mà è wèè àwa nè mbɨ̧̀ ènyit yu è dzə a ègwet la, mbɨ̀Ꞌɨ̀ mbɨ̧̀ ènyit yaa nàa mpfəa la naa kubte e tsiꞋi e ye kà wua mpfəa.