1 Kɔlìn 15:3 - Mundani

³ E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.

1 Kɔlìn 15:3 Referans Kwoze

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

Gàlashìà 1:12

E ndi e ka nɨ èngǎ̧ mbɔŋ abua wɔ̀bȩ̂, è ka mèe ngu wɔ̀bȩ̂ ka tà nyɨꞋte am la. Yesò Klistò zìambɔŋ ka tà li ngàꞋte èngǎ̧ mbɔŋ nyɨ̀Ꞌte am la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

1 Kɔlìn 11:23

E ndi nyɨ̀Ꞌte awɨ̧ àghɨa Lefɨ̀Ꞌ li nyɨ̀Ꞌte am la nê, è li ngu a nyèmtèsi wu bɔ fɨ̧̀ɨ̧̀na Yesò Lefɨ̀Ꞌ la, tà nɨ̀ a bled,

ÀfaꞋa 3:18

È li ngu tê afɨꞋa mbì, Mbɔ̧ɔ̧mà ghɨ̀ bèndàꞋàtɔŋ bi bàgème be tsɔ̀tè ndɨ Fɔ̧̀ wu tà li ndzɔꞋ etsàà la, nàa li ye ngoꞋ la. A li mbê mè ntè wuê mbɨ̀Ꞌɨ̀ tà li shuê la.

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Lûm 3:25

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ.

Matìù 26:28

Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bòt nyaŋ.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

Ebùlù 5:3

Ndɨ̀ wu tàa njùa àzi mɨ̧̂ la, tà bɔ ndɨ tàa me kɨ̧ɨ̧me banyà̧ ŋǎ abua Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ tò mɨ̧̂ la.

Ebùlù 5:1

Mbɔ̧ɔ̧mà nàa ngɨ̀ tà lȩ̂ wòt ayɔɔ bòt, bɔ̀ zia tò ane àtsəa bèntsìà mèpɨ̧̀, bɔ wua nkɨà taa me fàꞋa abua Mbɔ̧ɔ̧mà ane èlen bòt ngaa, ŋǎ èghɨ mè nkɨ̧̀ɨ̧̀ma banyà̧ ŋǎ abua Mbɔ̧ɔ̧mà mbɨ̀Ꞌɨ̀ e ghɨ̌ taa waꞋa bèkàbɔ̀ŋ bɔb.

1 Kɔlìn 11:2

Maà ngùꞋtà wɨ̧ nkàà nê bɨa ntsèka nkù̧ù̧ta am ane àghɨ àgème e ndi ngua ngɨ̀à mè nyɨ̀Ꞌta la, mè me nɔ̀ŋè mènəè mu e ndi ndzi a tèkitebu tɨ̧ la.

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Lûk 24:25

ÀfɨꞋa mbɔŋ Yesò shuê abua yɔb nê, “Ye bòt èyì tentem ko, bɨ taꞋa wua nkua èlɔŋ a màmbɨ̧ɨ̧na mènəè bèndàꞋàtɔŋ Mbɔ̧ɔ̧mà e li shuê la.

ÀfaꞋa 8:32

ÀdziꞋa èngǎ̧ yu tà li ngua ntɔ a èbem Àkata Mbɔ̧ɔ̧mà yu la a li ngua shua nê, “Tà li ngu mbɨ̀Ꞌɨ̀ njɨ̀ bɔ̀ɔ nɨa atò nga ekɨ̧ɨ̧me la, mè ngu mbɨ̀Ꞌɨ̀ wanjɨ̀ bɔ̀ɔ ndoota nyemte tò kà tà wua ŋȩ̀a la. Tà li tà kà bê shu ànəê.

ÀfaꞋa 17:2

Bɔ ghà ale, Pɔ̂l nyi a èbem lob Mbɔ̧ɔ̧mà Bèjuê yu, mbɨ̀Ꞌɨ̀ tàa ndzìà ngɨ̀à la. Nɨ̀ èliapfəè betat abàꞋ və, bɔ̂ bòt bu abot la e taꞋa kàànè mènəè è dzəa a èbem èdziꞋ èkatè Mbɔ̧ɔ̧mà la.