1 Kɔlìn 15:1 - Mundani

¹ Bɔnyɨ bɔ̧, maà nkɨ ku̧u̧te awɨ̧ àfɨ̀Ꞌ yaa ànəa Ntu̧ Ntsɔ̧̀ yu e ndi ntsɔ̀te abua yɨ̧, bɨ zə mbɨ̧̀ɨ̧̀nê mê mbaã me kweele adù̧ la.

1 Kɔlìn 15:1 Referans Kwoze

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.

2 Tèsàlonikà 3:6

Bɔnyɨ, ba wua shua wɨ̧ ane èlen Yesò Klistò Lefɨ̀Ꞌ wa nê, bɨ̀ ka mbɔ̀ àghɨa ko a màngɨa ne bɔnyɨ ba bòt Yesò bu bɔ̀ɔ ndȩȩta a màfaꞋa, bɔ̀ ka wua ngɨ̀à mbɨ̀Ꞌɨ̀ ba li nyɨ̀Ꞌte awɨ̧ nê bɨ̀ me ghɨ̀ la.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

ÀfaꞋa 11:1

Bɔntu̧ Yesò nè bɔnyɨ ba adzìꞋ àgème àlaꞋ a Jùdià e li ndzə nê bòt kà wu Bèjuê e zə èngǎ̧ Mbɔ̧ɔ̧mà tè mbɨ̧̀ɨ̧̀nê mɨ̧̂.

Jɔ̌n 12:48

Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

1 Kɔlìn 3:6

E ndi nyɔ̀Ꞌ èsaãaãme, e tu, Àpolòs zì mèleb, ka è lè wu Mbɔ̧ɔ̧mà tà ghɨ̂ e tsə la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

Lûm 11:20

Àyea mbɔŋ wu nkûŋ. Bɔ li ndòòte àwɔb ndɨ̀ wu bɔ li bɔ̀ ka zǐ èntɨ̧ɨ̧ wɔb ane Yesò la, ka bɔ zì àwɨ̧ a mbɨ̧̀ àyɨt yu nkàà mèntɨ̧ɨ̧ mɨ̧ mu bɨ zi ane Yesò la. Ale, bɨ̀ ka me ŋeꞋe tèkwȩ tɨ̧ a ègwet, bɨ̀ me ko awɨ̧ mbɨ̀Ꞌɨ̀ bɔ tsì àwɨ̧.

1 Kɔlìn 4:15

Bòt bɔ̀ɔ nyɨ̀Ꞌta wɨ̧ mènəè Yesò Klistò la e batè ntaꞋa wu, ka bɨ̀ ka bɔ bètǎt nyaŋ. Wu mmɔ̌ e ndi ngu mbɨ̀Ꞌɨ̀ tǎt wɨ̧ a màntsɔta Ntu̧ Ntsɔ̧̀ abua yɨ̧, ka naa ghɨ̌ bɨa zì mèntɨ̧ɨ̧ mɨ̧ ane Yesò Klistò la.

1 Kɔlìn 16:13

Bɨ̀ me ko awɨ̧, ntɨ̧̀ɨ̧ ntsɔ̧̀ ane èntɨ̧ɨ̧ wɨ̧ wu bɨ zi ane Yesò la, ntɨ̧ɨ̧ mbɨ̀Ꞌɨ̀ mbâ̧ mè me kweele.