Bib sou entènèt

1 Kɔlìn 14:4 - Mundani

⁴ Wòt tàa ndàꞋà ndɨ̧ tsǎ la, wua ndɔ̀ktà èntɨ̧ɨ̧ vi zìambɔŋ, ka wòt tàa ndàꞋà ane àtɔŋ Mbɔ̧ɔ̧mà la, wua ndɔ̀ktà mèntɨ̧ɨ̧ bòt chɔsì bàgème.

Gade chapit la Kopi

« Previous

tounen moute ⬆

1 Kɔlìn 14:22

Ale, màndaꞋa ndɨ̧tsə tsa tsa wu àlȩê abua bòt kà zi mèntɨ̧ɨ̧ mɔb ane Yesò Klistò, te ntsě abua bòt bɔ zì mèntɨ̧ɨ̧ mɔb ane Yesò Klistò la. Ka è me wu màndaꞋa àtɔŋ Mbɔ̧ɔ̧mà, ko a wu abua bòt bɔ zi mèntɨ̧ɨ̧ mɔb ane Yesò Klistò la, a ntsě abua bòt kà zi mèntɨ̧ɨ̧ mɔb ane Yesò Klistò.

Gade chapit la

1 Kɔlìn 14:26

Bɔnyɨ bɔ̧, ye ndɨ bɨ̀a me ghɨ̀ la. Bɨ bù̧ù̧tà, wòt ane yɨ̧ bɔa èkù̧, wekǒ bɔa àghɨa tàa nyɨꞋte la, wekǒ bɔa ènəê Mbɔ̧ɔ̧mà nyɨꞋte atò la, wekǒ bɔa èngǎ̧ tàa làꞋa ane ndɨ̧ tsǎ la, ko ghaꞋte ànəa bɔ làꞋa ane ndɨ̧ tsǎ la e shu leꞋ, bɨ ghɨ̀ àghɨ àgème ane ndɨ àa tɨŋe lɔ̀ktè mèntɨ̧ɨ̧ ènɔ̧̂ bòt Mbɔ̧ɔ̧mà la.

Gade chapit la

Ntu̧ Ntsɔ̧̀ MAK 16:17

Bòt bu bɔ bɨ̧ɨ̧ne la aa bɔ èlȩê baa: Bɔɔ nga me enɨ èlen laã fəèà fote kàbɔ̀ŋ, mè ndàꞋà èwuu ndɨ̧te ko tsa tsa.

Gade chapit la

1 Kɔlìn 14:12

Ndɨ̀ wu bɨ̀a nùà nkɨ bɔ èghɨ Fo Mbɔ̧ɔ̧mà nàa ŋǎ la, bɨ̀ nyɔ̀Ꞌte a mbì àghɨ àgème ndze nê bɨ ghɨ̀ bu àa me tɨŋa ndɔ̀ktà mèntɨ̧ɨ̧ bòt chɔsì la.

Gade chapit la

1 Kɔlìn 14:5

Maà nkɨà nê bɨ̀agème è me làꞋa ndɨ̧tsə tsa tsa, ka e mbɔ̂ me kɨ nê bɨ̀ làꞋà nyaŋ wuê ane àtɔŋ Mbɔ̧ɔ̧mà. Wòt tàa ndàꞋà àtɔŋ Mbɔ̧ɔ̧mà la è tsě wòt tàa ndàꞋà ndɨ̧tsə tsa tsa la, na wòt bakà wuê tàa ghaꞋte mènəè mu tà laꞋa ane ndɨ̧ tsǎ la e shu e tɨŋe bòt chɔsì la.

Gade chapit la

1 Kɔlìn 14:3

Ane àbâ ko, wòt wu tàa ndaꞋa ane àtɔŋ Mbɔ̧ɔ̧mà la laꞋa abua bɔbȩ, ntɨ̀ŋa bɔnyɨ bɔb ngɨ̀à mèntɨ̧ɨ̧ mɔb kweelà, mè ndzìà mèntɨ̧ɨ̧ mɔb.

Gade chapit la

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

Gade chapit la

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Gade chapit la

1 Kɔlìn 12:10

Fo mbɔŋ nàà ngɨ̀à wòt kǒ bɔ mètàŋ a màngɨa ngɨŋa ènəê, ngɨ̀à wekǒ làꞋà àtɔŋ Mbɔ̧ɔ̧mà, mè ngɨ̀à wekǒ nè wòt koa èghɨ e dzə abua Fo Mbɔ̧ɔ̧mà la, nè èbe kà dzə abua Fo mbɔŋ. Tàa ngɨ̀ tà gha abua wòt kǒ, tà ŋǎ tò mètàŋ a màndaꞋa ane ndɨ̧tsə tsa tsa, mè ŋǎ wekǒ mètàŋ a màngaꞋta mènəè maa bɔ làꞋa ane ndɨ̧ tàa tsa tsa la è shuà.

Gade chapit la

1 Kɔlìn 12:28

Mbɔ̧ɔ̧mà tsia waa waa àdziꞋa zi a èbem chɔsì vi. Bòt mbì tà tsia la wu bɔntu̧ Yesò Klistò, me tsɔꞋɔ ntsia bèndàꞋàtɔŋ Mbɔ̧ɔ̧mà, ndɔ̀Ꞌ ntsia bènyɨꞋtà, nè bòt bɔ̀ɔ ngɨ̀à ngɨŋa mènəè la, nè bòt bɔ̀ɔ mbəa bòt la, nè bòt bɔ̀ɔ ntɨ̀ŋa bòt la, nè bòt bɔ̀ɔ mbà̧aã bòt la, ndɔ̀Ꞌ nè èbe bɔ̀ɔ ndàꞋà ane èwuu ndɨ̧tsə tsa tsa la.

Gade chapit la

1 Kɔlìn 13:1

E ndàꞋà ndɨ̧te bɔbȩ, mè ndàꞋà fɔɔle ndɨ̧te bɔntu̧ Mbɔ̧ɔ̧mà àa ndàꞋà la, ka mbakà wua nkɔ̀ŋkà bòt, ko e mbê ngu mbɨ̀Ꞌɨ̀ lèsɔŋ nè mbɨ̧̌ bɔ̀ɔ ndèbà e làꞋà la.

Gade chapit la

Swiv nou:

Lyen patwone

Piblisite

1 Kɔlìn 14:4 - Mundani

1 Kɔlìn 14:412 Referans Kwoze

1 Kɔlìn 14:4
12 Referans Kwoze