1 Kɔlìn 12:2 - Mundani

² Bɨ ko nê è li ngu àfɨꞋa kà bɨ̀ ko a Mbɔ̧ɔ̧mà, bɨ fà̧à̧tè èka bɨ̧ ane balu̧ nyaŋ, me kukte bèmbɔ̧ɔ̧mà bu bèa ka làꞋ la.

1 Kɔlìn 12:2 Referans Kwoze

1 Pità 4:3

Bɨ li ntaꞋa tsoke àfɨ̀Ꞌ a màngɨa èghɨ bu bòt kà ko a Mbɔ̧ɔ̧mà àa ngɨ̀à la. Bɨ li ngua njɨ̀a mèpǎ̧ màpaꞋta àbɨ̧, mpfəa akwen èghɨ bu mbɨ̧te ènyit tɨ̧ tèa nkɨà la, mbea mèlùꞋ, ngɨ̀à àghɨa àgème èntɨ̧ɨ̧ wɨ̧ àa nkɨà la, mè nɨa èghɨ tsa ane bèmbɔ̧ɔ̧mà bɨ̧, è wu kwàꞋ àbɨꞋte ànəê la.

1 Tèsàlonikà 1:9

Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.

Gàlashìà 4:8

È li ngu àfɨꞋa kà bɨ zìꞋ nko a Mbɔ̧ɔ̧mà, bɨ me wùꞋtè èghɨ ko tsa kà wu bèmbɔ̧ɔ̧mà.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

1 Pità 1:18

Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Matìù 15:14

È wu ale, bɨ sà wɔb a si, bɔ wu bòt àghɨ àleme nkɨ enyɨꞋte beko èlu̧ la. Wòt àghɨ àleme baãaã àbu wòt àghɨ àleme ko bɔ̀ɔgème aa chɨ̧ɨ̧ a èbem èbɨ.”