1 Kɔlìn 12:11 - Mundani

¹¹ Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

Gade chapit la Kopi

« Previous

tounen moute ⬆

1 Kɔlìn 12:4

Mèghàb Fo Kèfə nàa ŋǎ la nàà tsa tsa, è bɔ̂ ngu Fo mbɔŋ yemɔ̀Ꞌ ka nàa ŋǎ mùà ègème la.

Gade chapit la

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.

Gade chapit la

2 Kɔlìn 10:13

Ka è me wu awa ko baa me ghàꞋtè awa wuê ane àfàꞋ yu Mbɔ̧ɔ̧mà ŋa abua ya la. Bà ka ghàꞋtà wa te ghǎ wu àdziꞋa kà wu aya a. Àghɨa bàa ngɨa a kètsìà wɨ̧ la wu àbəꞋa àfàꞋ yu Mbɔ̧ɔ̧mà ŋa abua ya la.

Gade chapit la

Efesɔ̀s 4:7

Waa waa ane ya è bɔ azi ne àghɨ Yesò Klistò nàà nɨa ntsɔ̧̀ vi ŋǎ àyea wòt ègème mbɨ̀Ꞌɨ̀ tà ye nê a kùꞋù la.

Gade chapit la

1 Kɔlìn 12:6

Mèyì a mànɨa ghɨ èghɨ nàà tsa tsa, è bɔ̂ ngu wuê Mbɔ̧ɔ̧mà ka tà ŋa èyǐ waa waa nàa nɨa ngɨ̀à àzi ne àfàꞋ la.

Gade chapit la

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

Gade chapit la

Efesɔ̀s 1:11

Mbɔ̧ɔ̧mà nàà ngɨ̀à àghɨ àgème mbɨ̀Ꞌɨ̀ tà kwaꞋtè nê aa wu la. Tà li ndȩ̀ àwa nɨ a Yesò Klistò tà ghɨ̀ ba tsiꞋi bòt Mbɔ̧ɔ̧mà wu mbɨ̀Ꞌɨ̀ tà li ndzaŋe taŋke nê à wu la.

Gade chapit la

1 Kɔlìn 7:17

Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

Gade chapit la

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

Gade chapit la

Lûm 12:6

Ale, bàà me nɨ mèghàb mu tsa tsa Mbɔ̧ɔ̧mà nɨa ntsɔ̧̀ vi ŋa abua ya la fàꞋà. Èwe wòt nè èghàb è wu màndaꞋa àtɔŋ Mbɔ̧ɔ̧mà, tà me làꞋa ane èlɨ tà ko nê Mbɔ̧ɔ̧mà shu avi la.

Gade chapit la

Lûm 9:18

Ale, Mbɔ̧ɔ̧mà nàa nkɔ̀ŋkà e ku tèsȩte wòt, tà ku. Tà mèe tà me kɨ e ghɨ̌ wòt naa bɔ àkweela èntɨ̧ɨ̧, tà ghɨ̀.

Gade chapit la

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Gade chapit la

Jɔ̌n 3:27

Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

Gade chapit la

Jɔ̌n 3:8

Àfeme àa ngɨ̀ à me tsě, wòt me zə ndɨ a tsèà la, ka tà kà ko àdziꞋa a dzəè la, kò àyea a tsèà ngà la leꞋ, mbɔ̂ wòt kà wu ko ekele. Wu ndɨ àa la, ane wòt ègème Fo Mbɔ̧ɔ̧mà bi atò la.”

Gade chapit la