1 Kɔlìn 11:25 - Mundani

²⁵ Tà lɔ̀Ꞌ mè ngɨ̀ wuê a èlɨ ngaa nè ndɔŋ yu, mbɔ̂ shu nê, “Ndɔŋ yaa wu mènkàꞋa kèkweelè fi Mbɔ̧ɔ̧mà, màa nɨ àlo̧ am nɨ ghɨ̀ la. Àfɨ̀Ꞌ àgème bɨ̀a nua la bɨ me nɨa mɨ̀ɨ̀tè am.”

1 Kɔlìn 11:25 Referans Kwoze

Lûk 22:20

Tà lɔ̀Ꞌ mè ngɨ̀ wuê a èlɨ ngaa nè ndɔŋ yu è shu nê, “Ndɔŋ yaa wu mènkàꞋa fi Mbɔ̧ɔ̧mà màa nɨ àlo̧ am enɨ ghɨ̌ aa tsəète a si nkàà wɨ̧ la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

1 Kɔlìn 10:16

Tè ba me nu ndɔŋ èlɔ̂t yu bàa nkɔ̀ŋka Mbɔ̧ɔ̧mà adù̧ la, à ka wu nê baa nua àlo̧ a Waã Mbɔ̧ɔ̧mà à? Bàa mě bà me kwela bled wu bàa mbòꞋta la, à ka wu nê baa kwela mbɨ̧̀ ènyit waã Mbɔ̧ɔ̧mà à?

2 Kɔlìn 3:14

Bɔ li ngu bɔ̀ɔ ngɨ̀ bɔ̀ zə ndɨ wòt tɔ àkata mènkàꞋa kèkweelè nyǎꞋ Mbɔ̧ɔ̧mà la, bɔ̀ ka ko ànəa a shua la, ngu nê ètsə bɔb e li è ka ghaꞋtè. Eyaa wu èlɨ ètsə bɔb ngaa è bele ekɨꞋɨ dzəè laane la. Wòt nàa ngɨ̀ tà tsìꞋi àghɨ yeamɔꞋ nè Yesò Klistò, ka ndǐ mbɔŋ bɔ̂ ndzə a èsi tò.

1 Kɔlìn 11:24

ŋà mènkɔ̀ŋke abua Mbɔ̧ɔ̧mà, mboꞋ ŋǎ abua bɔkatè bi nê, “Eyaa wu mbɨ̧̀ ènyit yaã abua yɨ̧. Bɨ̀ me ghɨa nɨa mɨ̀ɨ̀tè am.”