1 Kɔlìn 1:6 - Mundani

⁶ Mbɨ̀Ꞌɨ̀ èngà̧ waa ane ànəa Yesò e lâ shɨꞋɨ a mèntɨ̧ɨ̧ mɨ̧ la,

1 Kɔlìn 1:6 Referans Kwoze

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

2 Tɔ̀màtià 1:8

Ale, à ka mbɔ̀ àtsə kɔꞋɔ e làꞋa ànəê à ko ane Lefɨ̀Ꞌ wa la. À ka mè ngɨ̀ ngaa mbɨ̀Ꞌɨ̀ à bakà ko am è ngu wòt tèfȩ nkàà ànəa Yesò la. Ka nɨ mètàŋ mu Mbɔ̧ɔ̧mà è ŋa abua yê la, ndzě ye nè ngoꞋ nkàà Ntu̧ Ntsɔ̧̀ Yesò, mbɨ̀Ꞌɨ̀ mmɔ̌.

1 Tɔ̀màtià 2:6

Tà li ŋà àtsəa azi nɨŋ ngɨ̀ bòt bàgème e pem. Àyaa a li ngɨ̀ àfɨꞋa ntsɔ̧̀ nɨŋ nyɨ̀Ꞌte nê, Mbɔ̧ɔ̧mà nàà nkɨ etsǐ wòt ègème a èbem mènəè kàbɔ̀ŋ tò.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

2 Kɔlìn 12:12

E ndi ngua mbɔ̀ɔ̀la am faꞋa a kètsìà wɨ̧, Mbɔ̧ɔ̧mà mè nɨ èlȩê, nè mènəè ngɨŋa, nè tèwuute ènəê kà ye fɨ̀Ꞌ, nɨŋ nyɨ̀Ꞌte nê e ndâ ngu wantu̧ vi.

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

Ètsə 12:17

A ghɨ̀ ale, dlagɔ̀n wu tsǒ ane àvi wu kwàꞋ ànyaꞋne, tè ngà è màꞋà èbet nè àbəꞋa bòt àndǎ̧ atò, è wu bòt bu bɔ̀ɔ nɔ̀ŋà mbɨ̧te Mbɔ̧ɔ̧mà mè bɨ̧̀ɨ̧̀ne nê èghɨ bu Yesò nyɨꞋte la wu nkûŋ la. Dlagɔ̀n wu tɨ̧ɨ̧ a ngèt *èdzî.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

Gàlashìà 3:5

Tè bɨ ye nê Mbɔ̧ɔ̧mà li me ŋa Fo zi abua yɨ̧, e mèe ghɨ̀ tèwuute ènəê kà ye fɨ̀Ꞌ a kètsìà wɨ̧ ale, è wu ndɨ bɨ̀a ngɨ̀à àghɨa mbɨ̧tsə te kɨa la, kò wu ndɨ bɨ li ndzəâ èngǎ̧ Mbɔ̧ɔ̧mà ane ànəa Yesò mbɨ̧̀ɨ̧̀ne la à?

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 22:18

ndze a Yesò, tà shua abua am nê, ‘Taŋke ndzə a Jèlusalèm ŋaa kwàla, na bòt abàꞋ ŋaa è ka bɨ̧ɨ̧ne ezə ndɨ à shua nê ye ye mè nko mènəè ane yaã la a.’

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

Ntu̧ Ntsɔ̧̀ MAK 16:20

Bɔkatè Yesò e li ngà èdzìꞋ ègème ntsɔ̀te Ntu̧ Ntsɔ̧̀. Lefɨ̀Ꞌ me fàꞋa bɔ̂ tò ba, ngɨ̀à bɔ ghɨ̀à èghɨ àa nyɨ̀Ꞌta mètàŋ tò la, nɨa nyɨ̀Ꞌta nê èngà̧ wu bɔ làꞋà la wu nkûŋ.]

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.

Ètsə 6:9

ÀfɨꞋa tà nà̧à̧nè àdziꞋa àmènà yu betà̧â̧ la, e ndze èlɨ̀ŋkè bòt bu bɔ li mbùŋè àwɔb nkàà ndɨ bɔ li ngua ntsɔ̀tà èngǎ̧ Mbɔ̧ɔ̧mà mè me shu nê bɔ̀ bɨ̧ɨ̧ne èngǎ̧ mbɔŋ la. Èlɨ̀ŋkè mbɔŋ e li ngu a èten àdziꞋ yu bɔ̀ɔ ntò̧à banyà̧ ŋa abua Mbɔ̧ɔ̧mà la.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.

ÀfaꞋa 11:21

Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.

ÀfaꞋa 11:17

Ale, a nyɨꞋte nê Mbɔ̧ɔ̧mà è ŋa Fo zi yu abua bòt kà wu Bèjuê wuê mbɨ̀Ꞌɨ̀ tà li ŋa abua ya àfɨ̀Ꞌ yu ba li ndzì mèntɨ̧ɨ̧ ma ane Yesò Klistò Lefɨ̀Ꞌ la. E ndi ngu wàa e me kɨ kele Mbɔ̧ɔ̧mà à?”