1 Kɔlìn 1:26 - Mundani

²⁶ Bɔnyɨ bɔ̧, bɨ̀ ku̧u̧te ndɨ Mbɔ̧ɔ̧mà li me tɔ awɨ̧ bɨ wuê la. ÀbəèꞋ àyɨ̧ nyaŋ a li à ka bɔ èyì, à ka bɔ ètɨ̧̂, è kà wu bòt bɔ mbi àwɔb a èbem àndǎ̧ bòt bɔ bɔ àyɔb a ngɔ̀ŋ ŋaa la.

1 Kɔlìn 1:26 Referans Kwoze

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Kɔlìn 2:8

Wòt kǒ ane bèfɔ̧̀ ngɔ̀ŋ, tà li nko àyaa la ntsě. Bɔ li ngɨ̀ ale nko ko bɔ li bɔ̀ ka wu̧u̧te a Lefɨ̀Ꞌ a mbɨ̧̀ mbasa.

1 Kɔlìn 1:20

Ale, wòt wu tà bɔ èyì la wu neŋàà? NyɨꞋtà mbɨ̧te Musì naa wa à? Bòt bu bɔ̀ɔ nkàànà mènəè àlia laane la bɔ̀ɔ wa à? Mbɔ̧ɔ̧mà nyɨꞋte nê, èyì ngɔ̀ŋ yaa wu àghɨ̧̀ɨ̧̀nè.

Lûk 10:21

AfɨꞋa mbɔŋ Fo Kèfə ghɨ̀ èntɨ̧ɨ̧ Yesò e lu̧u̧ nê mèngùꞋte, Tà nê, “Tê, Fɔ̧̀ ègwet nè sitsǎꞋ leꞋ, mâ kɔ̀ŋke àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la. Oò Tê, à li ngɨ̀ àyaa ane mènkɔ̀ŋke mê, mè nè ndɨ àa bɔ̀ àwê la.

Lûk 1:3

Mbɨ̀Ꞌɨ̀ mâ kùŋe mènəè maa ègème a mèmbùꞋu la, mâ kwaꞋtè nê è shɨ mènəè mbɔŋ a si mɨ̧̂ abua yê, àwɔ̀ Tìofilɔ̀, wuê mbɨ̀Ꞌɨ̀ è li ntsè la.

1 Kɔlìn 2:13

Ale, bà ka wua ndàꞋà ane èyǐ bòt ngɔ̀ŋ. Baa ndàꞋà mbɨ̀Ꞌɨ̀ Fo Kèfə nàa nyɨ̀Ꞌta wa la, ndzààtà mènəè Fo Kèfə ndàꞋà abua bòt bu bɔ bɔ Fo mbɔŋ la.

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.

Filìpȩ 4:22

Bòt Mbɔ̧ɔ̧mà bu a si ŋàa la bàgème e tsàꞋtè àwɨ̧ mɨ̧̂, tè mpàâ ngu èbu a ntɔꞋɔ empelɔ̀ la.

ÀfaꞋa 17:34

Bòt ko e kuŋe atò, ntsìꞋi bòt Yesò. ÀbəèꞋ àko ane bòt ngaa li ngu Dìònisɔ̀s kǒ tà lè wu wòt èsaꞋa Àliopagùs wu la, nè àvi kǒ èlen tò lè wu Dàmàlìs la, ka nè bòt ko tsa.

ÀfaꞋa 13:12

Mbɨ̀Ꞌɨ̀ gɔvanɔ̀ wu ye àghɨa a ghɨ̀ la, tà zì èntɨ̧ɨ̧ vi ane Yesò, mè ndzè na èngǎ̧ Mbɔ̧ɔ̧mà mbɔŋ bɔ làꞋa abua zi àfɨꞋa ngaa la e ghe la.

ÀfaꞋa 13:7

Tà li ngu shu̧ gɔvanɔ̀ wu abàꞋ və la. Èlen gɔvanɔ̀ wu li ngu Segiɔs Pàɔlùs, è wu wòt tà taꞋa bɔ èyì la. Gɔvanɔ̀ mbɔŋ tɔ a Bànabasì bɔ̂ Sɔ̂l nê bɔ̀ kɨꞋɨ ndàꞋa èngǎ̧ Mbɔ̧ɔ̧mà yè zə.

Lûm 11:29

Aa ale nkàà nê Mbɔ̧ɔ̧mà nàa ngɨ̀ tà ŋa àghɨ abua wòt, kò ntɔ a ŋut leꞋ, tà ka tsi nkùbte èntɨ̧ɨ̧ vi.