1 Kɔlìn 1:1 - Mundani

¹ Letà Pɔ̂l wantu̧ Yesò Klistò, Mbɔ̧ɔ̧mà lè lȩ ane mènkɔ̀ŋke mi la, nè wanyɨ wa Sostènès,

1 Kɔlìn 1:1 Referans Kwoze

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

2 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà è ghɨ ane mènkɔ̀ŋke mi la, nè wanyɨ waa Tɔ̀màtià, Abua chɔsì Mbɔ̧ɔ̧mà wu a Kɔlìn la, bɔ̂ bòt Mbɔ̧ɔ̧mà ko bu bàgème a Akayà la.

Kɔ̀losìà 1:1

Letà Pɔ̂l wantu̧ Yesò Klistò, Mbɔ̧ɔ̧mà ghɨ̂ ane mènkɔ̀ŋke mi la, bɔ̂ wanyɨ wa Tɔ̀màtià,

ÀfaꞋa 18:17

ÀfɨꞋa mbɔŋ, bɔ̀ɔgème e baãaã a Sostènès wu, tà lè wu àtsəa lob Mbɔ̧ɔ̧mà yɔb la, ndène atò a mbì èsaꞋa wu. Ka ànəa ngaa à ka lem mbùꞋ kèmbǎ̧ ane Galiò.

2 Tɔ̀màtià 1:1

Letà Pɔ̂l wantu̧ Yesò Klistò, Mbɔ̧ɔ̧mà lè zì ane mènkɔ̀ŋke mi nê tà laꞋa ànəa mèmpème mu ye kàꞋa abua bòt bu bɔɔ fɔtè ntsìꞋi àghɨ yeamɔꞋ bɔ̀ Yesò Klistò ba la,

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

1 Tɔ̀màtià 1:1

Letà Pɔ̂l wantu̧ Yesò Klistò ane mengɨ̌ Mbɔ̧ɔ̧mà Mpemnà wa bɔ̂ Yesò Klistò wu ntɨ̀ ya wu ane tò la,

Efesɔ̀s 4:11

Wu tòà tà li ŋà mèghàb abua bòt la. Tà li ngɨ̀ bòt ko ane bɔntu̧ Yesò, ngɨ̀ èbeko ane bèndàꞋàtɔŋ Mbɔ̧ɔ̧mà, ngɨ̀ èbeko ane bòt bɔ̀ɔ ntsɔ̀tà Ntu̧ Ntsɔ̧̀ Yesò la, ngɨ̀ èbeko ane bèmbaabà bòt Mbɔ̧ɔ̧mà, nè bènyɨꞋta èngǎ̧ Mbɔ̧ɔ̧mà.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

2 Kɔlìn 12:12

E ndi ngua mbɔ̀ɔ̀la am faꞋa a kètsìà wɨ̧, Mbɔ̧ɔ̧mà mè nɨ èlȩê, nè mènəè ngɨŋa, nè tèwuute ènəê kà ye fɨ̀Ꞌ, nɨŋ nyɨ̀Ꞌte nê e ndâ ngu wantu̧ vi.

2 Kɔlìn 11:5

Bɨa ŋèꞋa bòt bɨ̧ bu a ègwet shua nê bɔ ghe ka bɔ̀ ka tse am ane àghɨa ko.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

1 Kɔlìn 3:9

Ba wu bòt bàa fɔta fàꞋà nɔ̂ abua Mbɔ̧ɔ̧mà la. Bɨ wu mbȩ Mbɔ̧ɔ̧mà, mè ngu lob Mbɔ̧ɔ̧mà.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

ÀfaꞋa 1:2

eghǎ wu ane àlia Mbɔ̧ɔ̧mà li nɨ atò ngà a ègwet la a èbem àkata mbì am. Mbɔ̧ɔ̧mà li me laꞋ nê yea nɨ atò nga ègwet ale, tà nɨ̌ èyǐ Fo Kèfə nkɨ̀ɨ̀te bòt bu tà li ndàà àwɔb ane bɔntu̧ bi la.

Jɔ̌n 20:21

Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

Lûk 6:13

ÈtsəꞋ è tsi ale, tà tɔ bɔkatè bi, ndàà bòt ntsɔ̀b babe me tɔ awɔb ane bɔntu̧ bi.

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

Lûm 1:10

è shua nê tà ghàꞋa èlu̧, ko maa yaa kɨꞋɨ àfɨ̀Ꞌ yaa e ye awɨ̧.

2 Kɔlìn 8:5

Bɔ li ngɨ̀ tè ntsè àghɨa ba li ngua mɨ̀ɨ̀tà nê bɔɔ ghɨ̀ la. Bɔ li mbɨ̀ ndzì àwɔb a èten Yesò, mè ndzì àwɔb a èten la mɨ̧̂, mbɨ̀Ꞌɨ̀ Mbɔ̧ɔ̧mà kɨa la.