Yudas 1:9 - Muna Southern Dialect

⁹ Mahinggamo Mikael neangkando malaꞌeakati, miina nahumabu peda maitu. Wakutuuno nopotagali bhe Kafeompuꞌando seetani bhahaꞌi laꞌae so malano maeatino anabii Musa, Mikael miina naokadoa namekaꞌaebu Kafeompuꞌando seetani naꞌa. Ampamo kaowu tanopugaumo ambano, “Lahataꞌala so umamahakiko!”

Yudas 1:9 Referans Kwoze

2 Petrus 2:11

Gahaꞌaitumo mahinggamo malaꞌekati moliuno kaꞌosa bhe kuasando mpahaguru-guruno naꞌa, ingka miina daokadoa damekaꞌaebu tawa dasumangkati dumadino weo kakalabhia naꞌa ne wiseno Lahataꞌala.

Powoha 12:7

Pada aitu nandoomo popahisaꞌa te surugaa. Mikael bhe malaꞌekatino dopopahisa dopoewangi bhe naga amaitu. Naga anaꞌa nopopahisa dosuhue dua bhe malaꞌekatino.

1 Petrus 3:9

Kadai koise bhoosianeomu kadai, feꞌawu koise tobhoosianeomu feꞌawu, tamaka mesaloomu kabarakatino Lahataꞌala so mie aitu. Kapaꞌamo dadimo medano aitu katibhasiꞌamiu, somo meꞌawaꞌaoꞌomu kabarakati.

1 Tesalonika 4:16

Wakutuu anaꞌa natifetingke pahinta, malaꞌekati bhalano nakumei bhe duhuleleno Lahataꞌala damuntoe. Ne naꞌamo dua wutono Ompu nasumampu namaiꞌao te surugaa, maka marasaeano ne Kristus toka komate-mateno namaꞌindulu namodadida.

Markus 15:29

Mie lumalono ne itu doꞌumbue bhe dofoule-ule fotundo ambado, “Alee, hintumo ini gahaꞌa so humunggano Lambuno Lahataꞌala maka ne katolu oleono moeheemo toha!