Yudas 1:23 - Muna Southern Dialect

²³ Agoidaomu mie maiꞌao weo efi, so dosalamatiꞌao. Fotiwohaeꞌomu kabhelano lalomiu ne mie sigaoꞌano dua, tamaka poangka bhe moteꞌiomu. Bansieꞌomu mahingga pakea kapokahakuꞌando dohabu sabhaha modaiꞌano, ⸤ bhahasaa notaihikoomu⸥ .

Yudas 1:23 Referans Kwoze

1 Timotius 4:16

Dhagani wutomu, dhaganie dua kafoinaꞌumu. Mpuu-mpuunie bhahi-bhahiꞌae naꞌa, kapaꞌamo ane moolie ingka mosalamatimo wutomu bhe kosasawindo mie metingkeko.

1 Korintus 15:33

Koise dofobhohe-bhoheꞌikoomu, doposabhangka bhe mie modai nedai-dai kanea metaa.

Powoha 3:4

Tamaka we Sardis itu nandoo seemie hodua tapa pokahakuꞌaono pakeano; andoa ini daekala-kala dapoowa bhe Idi daepake pakea kapute, hampano andoa ini dopantasimo nada maitu.

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

2 Tesalonika 3:14

Ane nandumandoo mie so pata mangkafino pugau mani weo suha aini, tandaiꞌeomu, koise posabhangkaaneomu, noambanoꞌao.

1 Korintus 3:15

Tamaka ane kahadhaano natikantunu, ingka naohugi; ampamo kaowu wutono nasumalamati kanggetumo dohelae maiꞌao weo efi.

2 Korintus 5:11

Insaodi tapandeꞌaane maꞌanano doteꞌi ne Ompu, kanandooꞌanomo sadhia taꞌulei lalo mani so doparasaeaꞌao mie bhai mani. Lahataꞌala nolosangie mpuu totono lalo mani, bhe aposahunaꞌao naentalea dua weo totono lalomiu mie medano ae insaodi ini.

2 Yohanes 1:11

Kapaꞌamo laꞌae mendeꞌaane, ingka kao-kaomo neala dua dawu weo habu modaino mie aitu.

Yudas 1:22

Fotiwohaeꞌomu kabhelano lalomiu ne poibhahano totono lalo.