Yudas 1:19 - Muna Southern Dialect

¹⁹ Andoamo maitu so meowano powengke-wengkeꞌa, dadindo nokuasaiꞌemo kapoindalono mbadha, Rohino Lahataꞌala miina naeate weo totono lalondo.

Yudas 1:19 Referans Kwoze

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

Roma 8:9

Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

Yakobus 3:15

Kakotimbangi pedando naꞌa suano maiꞌaono te surugaa, tamaka nomaiꞌao ne dhunia, ne nafusuundo manusia, bhe ne seetani.

Ibrani 10:25

Koe dowoowulea dopohompu-hompuomu dosambahea, peda kaneando seemie hoduano mantawano itu. Intaodiomu tabeano dapotanga-tangahiomu, bhe nasedhuluꞌa kakampuu-mpuuno lalo hampano dowohaomu oleo so kahatoꞌano Ompu dhulu kamaꞌo.

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.