Yohanes 9:16 - Muna Southern Dialect

¹⁶ Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Yohanes 9:16 Referans Kwoze

Yohanes 10:19

Hampano pugauno Yesus maitu miendo Yahudi dewalamo, tadopotaga-tagalimo.

Yohanes 7:43

Maka mie bhahi dewala dopotagaliꞌao Anoa.

Yohanes 7:12

Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Matius 12:2

Dowoha amaitu, ambado miendo Farisi, “Soba ondo anaguhuꞌimu maitu, ingka dekangkalaꞌimo faliano oleono Sabat.”

Yohanes 15:24

Ane pae aehabuanda tanda tapa nehabu-habundo bhaindo, teteweimo pae dakodhosaa. Tamaka aitu dowohamo kosasawiꞌae tanda naꞌa, gahaꞌa sadaa-daa dobansi Idi bhe dobansi dua Amaku.

Yohanes 14:11

Parasaea kanauꞌomu, Idi aseꞌise bhe Amaku, Amaku noseꞌise bhe Idi. Tamaka ane pae marasaeaꞌomu, somo kandaino taparasaeamoomu hampano kahadhaa nehabuku.

Yohanes 9:24

Pada amaitu fenduamo dua dobhasi kabunto saꞌituini maka dopugauane ambado, “Pugau kumotuꞌuꞌano ne wiseno Lahataꞌala, tapandeꞌaane mie amaitu mie kodhosa.”

Yohanes 6:52

Dofetingke peda anaꞌa, miendo Yahudi dopotaga-tagalimo sapada-pada andoa ambado, “Nada amai bhahaa mie aini nafowaꞌao dhagino so daomaaꞌomu?”

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Tula-tulando rasulu 14:4

Tamaka miendo kota maitu dewalamo: nandoo tumaino ne miendo Yahudi bhe nandoo dua tumaino ne rasulu hoduano maitu.

Matius 12:10

Ne itu nandoo seemie nokepe limano sembali. O mie dofeenamo ne Yesus, “Weo tubhono agamantoomu naembali bhahaa daefekaꞌosa mie mosaki ne oleono Sabat?” Patudhundo damoꞌalae.

Lukas 13:14

Tamaka mie mandeꞌaono lambu kasambaheaꞌa naꞌa nohehewu lalono mbaꞌinomo Yesus nefekaꞌosa mie mosaki ne oleono Sabat. Anoa nopugaumo ne mie bhahi ambano, “Nandoo nomo oleo so dakogunaꞌao, dadiꞌanomo maiꞌomu damekaꞌosakoomu ne nomo oleono naꞌa, sumanomo koise ne oleono Sabat.”

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Yohanes 5:10

Dadiꞌanomo miendo Yahudi dopugaumo ne mie nefekaꞌosa maitu ambado, “Oleo aitu oleono Sabat, weo tubhono agamantoomu ingka pae naembalia tumongku kampasimu.”

Yohanes 7:23

Ane fosunaomu ne oleono Sabat keana notilempagi tubhono agama ne Kitabino Musa, noafa gahaꞌa amahaki kanauꞌomu mbaꞌinomo aefekaꞌosa mie koseꞌulu-uluno ne oleono Sabat?