Yohanes 8:52 - Muna Southern Dialect

⁵² Ambado miendo Yahudi, “Aitu tapandeꞌaanemo mpuu nopesuakikomo seetani, kapaꞌamo Abraham nomatemo, pedamo dua kosasawindo anabii, tamaka ingka hintu pugau sasuka mangkafino pugaumu pae naenamisi mate ampa suhue dhamani.

Yohanes 8:52 Referans Kwoze

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.

Yohanes 9:24

Pada amaitu fenduamo dua dobhasi kabunto saꞌituini maka dopugauane ambado, “Pugau kumotuꞌuꞌano ne wiseno Lahataꞌala, tapandeꞌaane mie amaitu mie kodhosa.”

Yohanes 8:48

Dotobhoosimo miendo Yahudi ne Yesus ambado, “Ingka nokotuꞌumo pugau mania, hintu itu miendo Samaria nopesuakikomo seetani.”

Ibrani 11:13

Kosasawindo mie saꞌituini sanea dokokaparasaea sampe mate. Andoa miina daetahima sabhaha nedhandiꞌaono Lahataꞌala, tamaka kao-kaomo tadowoha we kodoꞌoꞌano o ae so neꞌawando mada kaowu maka doꞌiaꞌane. Pedamo aitu domangaku dembali mie humato bhe humampe we dhunia ini.

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

Matius 11:18

Kapaꞌamo Yohanes nohato, miina naomaaꞌa miina naohoꞌua, ambado mie, ‘Anoa maitu nopesuakie seetani.’

Yohanes 1:19

Neangkaꞌindo miendo Yahudi we Yerusalem detudumo seemie hodua imamu bhe sampuꞌano Lewi, ⸤ o palima-limano imamu⸥ . dakumala ne Yohanes maka dofeena ambado, “Laꞌae bhahaa hintu ini?”

Yohanes 7:20

Mie bhahi dotobhoosi ambado, “Ingka mobheemo, laꞌae bhahaa so mongkoko?”

Yohanes 8:22

Ambado miendo Yahudi, “Namongkomo wutono itu bhahaa, kapaꞌamo ambano, pae damooliomua dakumalaomu we kakalaꞌano?”

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.