Yohanes 8:51 - Muna Southern Dialect

⁵¹ Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

Yohanes 8:51 Referans Kwoze

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 15:20

Feꞌulaiꞌeomu pugauku ne hintimiu, ‘Seemie bhatua paise namoliu kafeompuꞌano.’ Ane damodee-dee kanau, tetewei dua damodee-deekoomu; ane damangkafi kafoinaꞌuku, tetewei dua damangkafi kafoinaꞌumiu.

Yohanes 6:50

Tamaka nopoꞌala bhe roti sumampuꞌano maiꞌaono te surugaa, sasuka momaaꞌe paise namatea.

Lukas 2:26

bhe padamo dua nofohatoe, paeꞌo namatea ane paeꞌo namoha Omputo Fosalamatino nedhandiꞌaono Ompu.

Ibrani 11:5

Hampano kaparasaeano, Henok notisangke sampe miina naenamisi mate. Bhe naseemie miina bhe poꞌawaane hampano padamo nosangkee Lahataꞌala. Notibuhi weo Kitabi, miinaꞌo natisangke, Henok seemie mekaꞌiano lalono Lahataꞌala.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Yohanes 8:52

Ambado miendo Yahudi, “Aitu tapandeꞌaanemo mpuu nopesuakikomo seetani, kapaꞌamo Abraham nomatemo, pedamo dua kosasawindo anabii, tamaka ingka hintu pugau sasuka mangkafino pugaumu pae naenamisi mate ampa suhue dhamani.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.

Ibrani 2:9

Ampamo kaowu dowohamoomu Yesus. Sekabantaha nofosampue Lahataꞌala seendai we pandado malaꞌekati, neanomo hampano rahamatino Lahataꞌala nenamisimo mate so kosasawindo manusia. Ampa itu dowaꞌane kaengkohaꞌa kumalabhiano bhe tifosibhala peda omputo, hampano padamo nokadee-dee sampe mate.