Yohanes 8:44 - Muna Southern Dialect

⁴⁴ Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Yohanes 8:44 Referans Kwoze

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

1 Yohanes 3:12

Koise dembaliomu peda Kain, o anano Kafeompuꞌando seetani sampe nopongko aino wutono. Noafa katipongkoꞌano? Dhohono habuno sanea habu modai, tamaka habuno aino sanea habu metaa.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Yohanes 8:38

Newohaku ne Amaku, aituꞌaemo dua nepugauꞌaoku. Pedamo dua naꞌa hintimiu, nefetingkemiu ne amamiu, anaꞌamo nehabumiu.”

Yohanes 8:41

Hintimiu habuomu kahadhaano amamiu wutomiu.” Dotobhoosimo ambado, “Insaodi ini suano bulea. Ama mani seemie-mieno, Wutono Lahataꞌala.”

1 Yohanes 3:15

Mie bansino bhahitieno nopototomo nofopongko, maka ingka dopandeꞌaane mie fopongkono miina bhe dadi suhue dhamani weo totono lalono.

Matius 13:38

Kaampono, maꞌanano dhunia ini. Wine metaa, maꞌanano umatino Kafopahintaꞌano Lahataꞌala; dana nokomaꞌanaꞌao mie tumaino ne Kafeompuꞌando seetani.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

1 Yohanes 2:4

Ane seemie nopugau nopandeꞌao Lahataꞌala gahaꞌaitu miina naeangka ne pahintano, mie aitu nekabuangka, maka kabanara miina naeatea weo totono lalono.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

Powoha 9:11

Kafeompuꞌa mahintangida o malaꞌekati tungguno ola pata kotompano. Neano ne wamba Ibrani dokonae Abadon, ne wamba Yunani dokonae Apolion ⸤ maꞌanano Fobinasano⸥ .

Tula-tulando rasulu 5:3

Tamaka Petrus nopugaumo ne Ananias ambano, “Ananias, noafa gahaꞌa totono lalomu nokuasaiane Kafeompuꞌando seetani, sampe gau-gaumo Rohino Lahataꞌala? Ingka olino witemu sedawu hunsae so wutomu?

Yohanes 6:70

Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

2 Petrus 2:4

Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.

Matius 12:34

Hintimiu ini sampuꞌano ule modai! Nada dua amai mefolimbaomu pugau metaa, sangiꞌanomo wutomiu mie modai? Kapaꞌamo lumimbano ne wiwi, nomaiꞌao ne kamponono totono lalo.

Matius 13:15

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua dolosangiꞌao totono lalondo, bhaha sala dodoli se idi maka amekaꞌosada.’

Yohanes 7:17

Sasuka moindalono nadhumalangi kapoindalono Lahataꞌala, namandeꞌaane bhahaꞌi kafoinaꞌuku ini nomaiꞌao ne Lahataꞌala tawa nomaiꞌao ne Wutoku.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.

1 Yohanes 2:21

Abuhiangkoomu aini suano mbaꞌinomo miina mandeꞌaoꞌomu kabanara, tamaka hampano pandeꞌaanemoomu. Ingka pandeꞌaanemoomu dua miina bhe pahaa maiꞌao ne kabanara.

Tula-tulando rasulu 24:9

Miendo Yahudi sabhangkaꞌino doangkafimo dua dosungkuꞌao Paulus dofekakotuꞌu kosasawiꞌae nepugauꞌaono Tertulus.