Yohanes 8:2 - Muna Southern Dialect

² Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Yohanes 8:2 Referans Kwoze

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Lukas 21:37

Ole-oleo Yesus nofofoinaꞌu weo Lambuno Lahataꞌala, hato kohondoꞌa nokalamo noodo te kabhawo koneaꞌano kabhawono Zaitun.

Lukas 4:20

Pada nebasa nosongkoemo, nofosulie ne dhagano lambu kasambaheaꞌa naꞌa maka nengkoha nafofoinaꞌu. Kosasawindo mie weo lambu kasambaheaꞌa dosemata-mata ne Anoa.

Lukas 5:3

Yesus nosawimo ne seꞌonu bhangka andoa maitu. Bhangka anaꞌa bhangkano Simon. Nohato te wawo nopugauanemo nadhumudhu bhangka naꞌa namekambakodo-kodoꞌoe. Yesus nengkoha te wawono bhangka naꞌa maka nofoinaꞌu mie bhahi.

Yohanes 8:20

Kosasawiꞌae naꞌa nopugauane Yesus wakutuuno nofofoinaꞌu weo Lambuno Lahataꞌala ne owano sohongano sadhakaa. Tamaka bhe seemie miina bhe humakoe hampano miinaꞌo nahumato tempono.

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Lukas 21:38

Hangko-hangkowine kosasawindo mie bhahi dohatomo ne Yesus weo Lambuno Lahataꞌala dametingkeꞌao pugauno.

Yohanes 8:3

Gahaꞌa pande-pande Kitabi bhe miendo Farisi deowaanemo seemie hobhine nehatofindo nomonsule. Hobhine anaꞌa dofoehe-eheemo ne wunta-wuntando,

Tula-tulando rasulu 5:21

Andoa doangkafi pahintano malaꞌekati naꞌa. Nandoo sanimentae dokalamo we Lambuno Lahataꞌala maka dotanda dofoguhu mie ne itu. Wakutuu aitu dua Imamu Bhalano bhe mangkafie defokonandoomo hompuꞌando Sahano Agama bhe kamungkulaꞌindo Yahudi. Dohompu kaowu, detudumo mie dakumala daꞌumulei rasuluꞌi we katohongku.