Yohanes 7:41 - Muna Southern Dialect

⁴¹ Ambado dua sigaoꞌano, “Anoa ini Mesias Omputo Fosalamatino.” Tamaka ambado dua sigaoꞌano, “Kunaꞌemiu o Mesias namaiꞌao we Galilea gahaꞌa?

Yohanes 7:41 Referans Kwoze

Yohanes 7:52

Ambado, “Gahaꞌa hintu ini mieno Galilea dua? Soba lengka Kitabi itu! Ne itu mandeꞌaanemo miina nandumandoo seemie anabii maiꞌaono we Galilea.”

Yohanes 1:46

Ambano Natanael, “Nandoo dua gahaꞌa metaaꞌano maiꞌaono we Nasaret?” Ambano Filipus, “Mai, wohaꞌao wutomu!”

Yohanes 7:31

Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 6:69

Insaodi taparasaeamo bhe tapandeꞌaanemo Hintumo mie mongkilo Katuduno Lahataꞌala.”

Yohanes 4:42

Dopugaumo ne hobhine amaitu ambado “Insaodi taparasaea suano mbaꞌinomo tafetingke pugaumu, tamaka hampano tafetingkeꞌao wuto mani ne Anoa. Aitu tapandeꞌaanemo Anoamo ini kotu-kotuꞌu Mosalamatino dhunia.”

Yohanes 4:29

Ambano “Mai ondoomu, ne tatu nandoo seemie nofohato kanau sabhaha nehabuku. Bhahaa Anoamo maitu Mesias, Omputo Fosalamatino?”

Yohanes 4:25

Notobhoosimo hobhine anaꞌa, “Apandeꞌaane, nahumato kaowu Omputo Fosalamatino nekonando Mesias, naefebhihitaianemo kosasawiꞌae naꞌa ne insaodi.”

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Yohanes 1:41

Andreas ini lasao noꞌondofi Simon kakutaꞌano bhe nofohatoe ambano, “Insaodi padamo tapoꞌawa bhe Mesias.” (Mesias nopototo bhe Kristus, maꞌanano Omputo Fosalamatino).

Yohanes 7:27

Tamaka mie aini dopandeꞌaane kamaiꞌaoꞌano. Gahaꞌaitu ane nahumato Mesias, bhe naseemie pae bhe so mandeꞌaane kamaiꞌaoꞌano.”