Yohanes 7:4 - Muna Southern Dialect

⁴ Kapaꞌamo ane dopoindalo dofepandeꞌao ne mie bhahi, ingka miina naembalia dofebuni nehabundo. Dadiꞌanomo ane mehabu sabhaha tanda medando aitu, fotiwoha wutomu ne dhunia!”

Yohanes 7:4 Referans Kwoze

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Lukas 6:45

Mie metaa nefolimba metaaꞌano nomaiꞌao ne kampebuniꞌano lalono metaaꞌano; mie modai nefolimba modaiꞌano. Kapaꞌamo tibhokaꞌano ne wiwi nolua nomaiꞌao weo totono lalo.”

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Matius 6:5

“Ane sumambaheaꞌomu koe nameda mie mehaaꞌulano. Andoa maitu doasiane dosambahea ngkaehe-ehe weo lambu kasambaheaꞌa bhe ne kampuna defewoha ne mie bhaindo. Amohatokoomu, kotu-kotuꞌu andoa maitu dotahimaemo ponambodo.

Matius 6:16

“Ane moasaomu koe mengkuru-ngkuruomua peda mie mehaaꞌulano. Andoa maitu dohabu-habue ulando, defewoha ne mie putae dopoasa. Amohatokoomu, kotu-kotuꞌu andoa dotahimaemo ponambodoa.

Matius 4:6

bhe nopugau ambano, “Ane hintu ini Anano Lahataꞌala, soba oho wutomu we panda, kapaꞌamo notibuhi, ‘Lahataꞌala natumudu malaꞌekatino dakumantafeko keana notompalo aꞌemu ne kontu.’ ”

Yohanes 7:3

Dopugaumo bhahitieꞌino Yesus ambado, “Ehemo maka kala we kadieno Yudea neanomo anaguhuꞌimu daoha dua sabhaha kahadhaa nehabumu.

Yohanes 7:5

Kapugauꞌando peda naꞌa, bhahitieꞌino miina dua damarasaeaꞌea.