Yohanes 7:1 - Muna Southern Dialect

¹ Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Yohanes 7:1 Referans Kwoze

Yohanes 4:3

Nopandeꞌaane kaowu miendo Farisi dofetingkemo peda anaꞌa, Yesus nohunsamo kadieno Yudea maka nosuli we kadieno Galilea.

Matius 21:38

Tamaka gahaꞌa sadowoha anano kafeompuꞌando, kumahadhaano maitu dopugaumo sapada-pada andoa, ambado, ‘Ananomo ini so kohakuꞌaono kahunsaꞌaono. Dopongkoeꞌanaomu, neanomo kahunsaꞌaono somo intaodiomu.’

Yohanes 7:19

Ingka anabii Musa nowaꞌangkoomu tubhono agama, tamaka ne olotamiu itu bhe naseemie miina bhe dhumalangie. Noafa bhahaa kopatudhuꞌao mongko kanauꞌomu?”

Matius 10:23

Ane damodee-deekoomu ne seꞌonu liwu, fileiꞌomu ne liwu sigaoꞌano. Amohatokoomu, kotu-kotuꞌu paeꞌo madaeꞌomu liwu-liwuno Israel mangkaiꞌeomua, Anano Manusia - Idimo ini - nahumatomo.

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Yohanes 4:54

Ainiꞌaemo tanda kahaa pakuno nehabuno Yesus wakutuuno nosuli we Galilea nomaiꞌao we Yudea.

Yohanes 1:19

Neangkaꞌindo miendo Yahudi we Yerusalem detudumo seemie hodua imamu bhe sampuꞌano Lewi, ⸤ o palima-limano imamu⸥ . dakumala ne Yohanes maka dofeena ambado, “Laꞌae bhahaa hintu ini?”

Yohanes 8:40

Ingka pada afohatoangkoomu kabanara nefetingkeku ne Lahataꞌala, gahaꞌa hintimiu kopatudhu mongko kanauꞌomu. Abraham miina naehabu medando ini.

Yohanes 8:37

“Apandeꞌaane hintimiu sampuꞌano Abraham, tamaka kopatudhu mongko kanauꞌomu hampano wambaku miina tumahimaeꞌomu weo totono lalomiu.

Yohanes 7:25

Tangasano peda maitu seemie hodua miendo Yerusalem dopugau ambado, “Ingka anoamo ini mie neꞌondofindo so damongko?

Markus 11:18

Neangkaꞌindo imamu bhe pande-pande Kitabi dofetingke dua kadhadhia amaitu, maka deꞌondofi akala damongkoe. Andoa doteꞌie, mbaꞌinomo mie bhahi domenteane kafoinaꞌuno.

Yohanes 6:1

Nopalusi anaꞌa Yesus nokalamo we sewetano teꞌino Galilea nekonando dua teꞌino Tiberias.

Yohanes 7:11

Kaomponano hohaeaꞌa naꞌa miendo Yahudi sadhia doꞌondofi Yesus ambado, “Ne amaiꞌe bhahaa?”

Yohanes 7:13

Tamaka bhe naseemie miina bhe mokadono dasumambilie mentalea-mentalea, hampano doteꞌi kamungkulaꞌi miendo Yahudi.

Yohanes 7:35

Miendo Yahudi dopugau-gaumo sapada-pada andoa ambado, “Nakumala ne amai bhahaa mie aini sampe pae dapoꞌawaaneomua? Bhahaa patudhuno nakumala ne miendo Yahudi meateno we koliwuno, we witeno Yunani? Bheanea namoinaꞌu miendo Yunani naꞌa?