Yohanes 6:70 - Muna Southern Dialect

⁷⁰ Notobhoosimo Yesus ambano, “Ingka Idimo ini milikoomu koompulu hoduamiu itu, tamaka seemie ne olotamiu itu seetani.”

Yohanes 6:70 Referans Kwoze

Yohanes 13:27

Sanoꞌawa roti anaꞌa Yudas nopesuakiemo Kafeompuꞌando seetani. Ambano Yesus ne Yudas, “Habumo fekahimba so nehabumu itu.”

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Yohanes 17:12

Tangasano apobhaianda, adambaꞌaanda weo kuasano neamu kawaꞌaomu ne Idi. Idi adhaganida, sampe bhe naseemie miina bhe binasano, mpahinomo anoa toka nefotantu so binasano, somo nokoꞌulaꞌao tibuhino weo Kitabino anabii.

Yohanes 13:18

Idi apugau miina amulaoꞌao kosasawimiu, kapaꞌamo apandeꞌaanda ndo laꞌae nepiliku. Ampamo kaowu wambano Kitabi aini tetewei nakoꞌula, ‘Mie pombaliꞌaku namewangi kanau.’

Yohanes 6:64

Tamaka ne olotamiu nandoo dua tapa marasaeano.” Kapaꞌamo Yesus nopandeꞌaane mpini kabhao-bhaono ndo laꞌae so tapa marasaeano bhe laꞌae so mowae ne limano kaewa.

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

1 Timotius 3:11

O hobhinendo dua tabeano mie metaano diu, suano mie pande umbu, tabeano damoolie damewanaki totono lalondo bhe datiparasaea mpuu.

Tula-tulando rasulu 1:17

Endefiꞌini, o sabhangkantoomu, dopilie dua mbali rasulu, nopototo kahadhaano bhe intaodiomu.”

Yohanes 15:19

Ane hintimiu maiꞌaoꞌomu ne dhunia, tetewei dhunia damasiangkoomu peda fehebuaꞌando. Tamaka padamo apilikoomu, dadiꞌanomo hintimiu suanomo fehebuaꞌano dhunia, katibansiꞌamiumo ne dhunia.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 13:21

Pada nopugau peda naꞌa Yesus nokompeahamo lalono maka nofohatoda mentalea-mentalea ambano, “Amohatokoomu, kotu-kotuꞌu seemie ne olotamiu itu namowa kanau ne limano kaewa.”

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

Yohanes 2:2

Yesus bhe anaguhuꞌino dobhasida dua we kahame naꞌa.

Yohanes 6:67

Nopugaumo Yesus ne anaguhuꞌino ompulu hoduano ambano, “Bhahaꞌi gaomiu kumalamoomu dua bhe hintimiu?”

Yohanes 6:71

Nepulaoꞌaono Yesus maitu Yudas anano Simon Iskariot, anoa maitu seemie ne olotando anaguhuno ompulu hoduano, somo mowano Yesus ne limando kaewa.

Yohanes 20:24

Tomas nekonando dua Didimus (maꞌanano Kalopo) seemie dua ne olotando anaguhuꞌino ompulu hoduano maitu, tamaka miina bhe anoa wakutuuno Yesus nomai.