Yohanes 6:64 - Muna Southern Dialect

⁶⁴ Tamaka ne olotamiu nandoo dua tapa marasaeano.” Kapaꞌamo Yesus nopandeꞌaane mpini kabhao-bhaono ndo laꞌae so tapa marasaeano bhe laꞌae so mowae ne limano kaewa.

Yohanes 6:64 Referans Kwoze

Yohanes 10:26

Tamaka hintimiu miina marasaeaꞌomu, hampano miina mesuaꞌomu gulumano dhumbaku.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Roma 8:29

Andoa padamo nopilida Lahataꞌala mpini kabhao-bhaono, padamo dua nofotantuda mpini wawono dasekatu bhe Anano. Pedamo anaꞌa Anano maitu nembalimo titiisa, o aino dobhahi.

Yohanes 6:61

Weo totono lalono Yesus nopandeꞌaane putae anaguhuꞌino dokamuntu-muntuꞌao wambano maitu. Dadiꞌanomo nopugaumo ambano, “Bhahaa wambaku saꞌituini nofohungga kaparasaeamiu?

Yohanes 5:42

Apandeꞌaangkoomu, weo totono lalomiu miina sepaliꞌa bhe kaasimiu ne Lahataꞌala.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Yohanes 6:66

Notandamo ne itu dobhahi anaguhuꞌino dosowo, miinamo damangkafiea.

Yohanes 6:36

Tamaka padamo dua afohatokoomu, mahinggamo woha kanauꞌomu miina marasaeaꞌomu.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

Yohanes 8:23

Yesus nopugaumo dua ambano, “Hintimiu maiꞌaoꞌomu we panda. Idi amaiꞌao te wawo. Hintimiu maiꞌaoꞌomu we dhunia ini, Idi miina amaiꞌao ne dhunia.

Matius 10:4

Simon miendo Zelot bhe Yudas Iskariot. Anoamo ini mowano Yesus ne limano kaewando.

Yohanes 6:60

Pada dofetingke kosasawiꞌae naꞌa, dobhahi anaguhuꞌino Yesus dopugaumo ambado, “Wamba aini nobhie datumahimae, laꞌae so mondoiꞌe?”

Yohanes 18:4

Yesus nopandeꞌaanemo kosasawiꞌae so kumadhadhiaꞌano ne Wutono, dadiꞌanomo nodhulu te wise maka nopugau ambano, “Ondofiomu laꞌae bhahaa?”