Yohanes 6:45 - Muna Southern Dialect

⁴⁵ Nandoo notibuhi weo Kitabindo anabii, ‘Andoa maitu kosasawindo namoinaꞌuda Lahataꞌala.’ Dadiꞌanomo sasuka metingkeno bhe tumahimano kafoinaꞌuno Amaku, namai se Idi.

Yohanes 6:45 Referans Kwoze

Ibrani 10:16

“Ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo.”

1 Tesalonika 4:9

Ingka miinamo namaraluua taebuhiangkoomu nada amai pomoni-moniniꞌaoꞌomu sapada-pada hintimiu, mbaꞌinomo wutono Lahataꞌala pada nofoguhukoomu pomoa-moasiꞌaoꞌomu.

Yohanes 6:65

Nopugaumo dua ambano, “Ingka ainiꞌaemo katifohatoꞌamiu saꞌituini: bhe naseemie pae bhe so maino ne Idi ane Amaku pae namaꞌane kapoindalo bhe kuasa so namaiꞌao ne Idi.”

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Efesus 1:17

Aesalo ne Lahataꞌalano Ompuntoomu Yesus Kristus, Amantoomu kumalabhiano, sio-siomo namaꞌangkoomu Rohino. Rohi aitu namaꞌangkoomu kapande bhe kantaleano fekihi sampe kotu-kotuꞌu mandeꞌaaneomu Lahataꞌala.

Yohanes 10:27

Dhumbaku dotandaiꞌe suahaku, Idi apandeꞌaanda, andoa doangkafi kanau.

Lukas 18:31

Pada anaꞌa Yesus nosaliꞌimo anaguhuꞌino ompulu hoduano maka nofohatoda ambano, “Aitu dokalaomu we Yerusalem. Ne naꞌa kosasawiꞌae nebuhindo ana-anabii mulaoꞌaono Anano Manusia - Idimo ini - nakoꞌulamo.

Lukas 1:70

Aini nopobutu bhe bhoasaono endefiꞌini, nefosampendo ana-anabii mongkilono.

Markus 1:2

Kafetompunaꞌino Bhihita Metaa ini peda tibuhino weo Kitabino anabii Yesaya peda aini, “⸤ Ambano Lahataꞌala⸥ ‘Anoamo ini katuduku, atudue namaꞌinduluangko, naebhongkaangko kaangkaꞌa.’

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Tula-tulando rasulu 7:42

Nowoha amaitu Ompu Lahataꞌala nokukundodamo maka tanokatahodamo dototohana bhe dosomba ne kulipopo te lani. Aini noposahataamo bhe tibuhiꞌano weo Kitabindo anabii, ‘Miendo Israel! Kaomponano fato fulu taꞌu we pandaso bhalano mefoampe kanauꞌomu bhahaa kadadi nesumbele?

Tula-tulando rasulu 13:40

Dadiꞌanomo posiꞌondoomu keana nokantibhakoomu tibuhiꞌano weo Kitabindo ana-anabii peda aini,

Filipi 3:15

Dadiꞌanomo intaodiomu ini motangkano kaparasaea tabeano dakofekihiomu nada kafoinaꞌuku saꞌituini. Tamaka ane nandoo poꞌalatiꞌano fekihimiu bhe anaꞌa, Lahataꞌala namekantaleaꞌiangkoeꞌomu dua.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.