Yohanes 6:33 - Muna Southern Dialect

³³ Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Yohanes 6:33 Referans Kwoze

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Yohanes 16:28

Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”

Yohanes 6:50

Tamaka nopoꞌala bhe roti sumampuꞌano maiꞌaono te surugaa, sasuka momaaꞌe paise namatea.

Yohanes 6:48

Idimo ini roti dumadino.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 3:13

Bhe naseemie miinaꞌo bhe monino te surugaa, ampamo kaowu Anano Manusia - Idimo ini - sumampuno maiꞌao te surugaa.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 6:32

Ambano Yesus, “Amohatokoomu, kotu-kotuꞌu suano anabii Musa maꞌangkoomu roti maiꞌaono te surugaa, tamaka Amaku maꞌangkoomu roti sakotuꞌuꞌano maiꞌaono te surugaa.

Yohanes 6:41

Miendo Yahudi dopokapamu-pamuhumo ne Yesus mbaꞌinomo pada nopugau, “Idimo ini roti sumampuꞌano maiꞌao te surugaa.”

Yohanes 6:58

Ainiꞌaemo roti sumampuno maiꞌaono te surugaa, nopoꞌala bhe roti nehumaando awuaꞌimiu bhe domatemo. Sasuka momaano roti aini nadumadi ampa suhue dhamani.”