Yohanes 6:27 - Muna Southern Dialect

²⁷ Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

Yohanes 6:27 Referans Kwoze

Kolose 3:2

Sadhia fekihiomu sabhaha ndumandooꞌano te surugaa, koise sadhia fekihiomu ndumandooꞌano we dhunia ini.

Yohanes 6:54

Sasuka momaano dhagiku bhe mohoꞌuno heaku neꞌawamo dadi suhue dhamani maka amodadie ne Oleono Kiama.

2 Timotius 2:19

Ampamo kaowu sandi bhalano nefongkohano Lahataꞌala nomatangka. Te wawono notibuhi bhoasao peda aini, “Ompu nopandeꞌaanda ndo laꞌae fehebuaꞌano”, pakade dua, “Sasuka sumambilino neano Ompu tabeano nahumunsa podiu modaino.”

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Roma 6:23

Ponambo netahima maiꞌao ne dhosa ingka o mate, tamaka kawaꞌaono Lahataꞌala ingka dadi suhue dhamani weo kaseꞌise bhe Kristus Yesus Ompuntoomu.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Tula-tulando rasulu 10:38

Pandeꞌaanemoomu dua Lahataꞌala nopili Yesus miendo Nasaret maitu maka nowaꞌane Rohino bhe kuasa. Anoa nolili nehabu metaaꞌano, nefekaꞌosa sabhaha mie nekuasaino Kafeompuꞌando seetani, mbaꞌinomo Lahataꞌala nopobhaiane.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Matius 6:19

“Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo.

Yohanes 6:58

Ainiꞌaemo roti sumampuno maiꞌaono te surugaa, nopoꞌala bhe roti nehumaando awuaꞌimiu bhe domatemo. Sasuka momaano roti aini nadumadi ampa suhue dhamani.”

2 Petrus 1:17

Insaodi tawohaꞌao wuntano mata mani Yesus netahima kakalabhia bhe kafosibhala ne Lahataꞌala Amano. Wakutuu anaꞌa notifetingke suahano Foliuno Kakalabhia nokobhoasao ne Anoa ambano, “Anoamo ini anaku timoasiꞌaono, neposahasiꞌaono laloku.”

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

1 Petrus 1:24

Kapaꞌamo ⸤ notibuhi weo Kitabi,⸥ “O manusia tapedamo kahoku, sabhaha kakalabhiano kanggetu kambeano kahoku, o kahoku noleleumo, kambeano notantamo.

Lukas 3:22

maka Rohino Lahataꞌala nosampu te wawono nokatu futeꞌo. Tanotifetingkemo dua suaha nomaiꞌao te lani, ambano “Hintumo Anaku timoasiꞌaono, Hintumo posahasiꞌaono laloku.”

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Yohanes 3:33

Tamaka tumahimano bhihitano nefosampeno maitu noꞌakuiꞌemo kabanarano Lahataꞌala.

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Yohanes 6:68

Notobhoosimo Simon Petrus ambano, “Waompu, takumala se laꞌae bhahaa? Wambamumo meowano dadi suhue dhamani.

Lukas 9:35

Tanotifetingkemo dua suaha nomaiꞌao weo olu naꞌa ambano, “Ainimo Anaku nepiliku, fetingkeeꞌomu.”

Ibrani 12:16

Dhaganieꞌomu koe sampe bhe dumadi pokawite-witeno tawa tapa mefadhulino dadi lumebe peda Esau. Ingka anoa noaso hakuno titiisa so kaowu neꞌawaꞌao oti sepihi.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Ibrani 4:11

Dadiꞌanomo, ulei kaitaomu lalontoomu so damesuaꞌao we kafewuleꞌa nedhandiꞌaono Lahataꞌala naꞌa, keana bhe binasano hampano doangkafi sandahando mie pata meangkano endefiꞌini.

Kolose 2:22

Bhahi-bhahiꞌae atorano naꞌa nopulaoꞌao kaowu giu nepake so binasano, ingka miina nakofahalaa; saneamo atora bhe kafoinaꞌu nehabundo manusia.

1 Korintus 9:2

Mahinggamo mie bhaindo miina dakumona kanau rasulu, tamaka so hintimiu idi ini tantumo rasulu. Kapaꞌamo dadimiu peda mie marasaeano ne Ompu ingka o bukutiinomo karasuluꞌaku.

1 Korintus 6:13

Nandoo dua mugauno o oti so iꞌino handa, o handa so kaeateꞌano oti, tamaka ingka kohaahondaꞌae ini sanea namosalie Lahataꞌala. Mbadhando manusia paise naembalia damakee so dapokawite-witeꞌao tamaka so daꞌumondofaoꞌao Ompu, bhe Ompu umondofaono mbadhando manusia.

Roma 4:11

Kasuna maitu notahimae peda sehonda tanda, o bukutii motangka putae Lahataꞌala notahimae peda seemie banara hampano kaparasaeano. Gahaꞌaitumo ingka miinaꞌo naesunaa, noparasaeamo. Pedamo anaꞌa Abraham nembalimo amando kosasawindo mie tapa nesuna marasaeano, neanomo Lahataꞌala natumahimada peda mie banara.

Yohanes 15:24

Ane pae aehabuanda tanda tapa nehabu-habundo bhaindo, teteweimo pae dakodhosaa. Tamaka aitu dowohamo kosasawiꞌae tanda naꞌa, gahaꞌa sadaa-daa dobansi Idi bhe dobansi dua Amaku.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 11:42

Apandeꞌaane sadhia fetingke kanau, tamaka kapugauꞌaku ini so mie lumibu-libu kanau ini neanomo damarasaea Hintumo tumudu kanau.”

Yohanes 8:18

Idi asakusii so Wutoku bhe Amaku tumudu kanau nosakusii kanau dua.”

Markus 9:7

Gahaꞌa nokaolumidamo olu, maka nomaiꞌao weo olu maitu notifetingkemo suaha ambano, “Ainiꞌaemo anaku nemoasiꞌaoku. Fetingkeeꞌomu pugauno.”

Markus 1:11

Notifetingkemo dua suaha nomaiꞌao te lani ambano, “Hintumo Anaku timoasiꞌaono, Hintumo mekaꞌiano laloku.”

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Matius 3:17

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Yakobus 1:11

Nofoni oleo bhe nosodo kaowu tilangano, kamba-kamba noleleumo, kambeano notantamo, kakesano nosalimo. Nadamo aitu mie hangkaea, naosali ne wunta-wuntano sabhaha kagiuno.

2 Korintus 4:18

Insaodi miina taoheruao tiwohaꞌano tamaka tapa tiwohaꞌano, hampano tiwohaꞌano ingka sekabantaha kaowu, tamaka tapa tiwohaꞌano nonandoo ampa suhue dhamani.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Yohanes 3:15

neanomo sasuka marasaeano ne Anoa dadumadi suhue dhamani.

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Yohanes 6:53

Ambano Yesus, “Amohatokoomu, kotu-kotuꞌu ane pae momaaꞌomu dhagino Anano Manusia bhe mohoꞌuomu heano pae bhe dadi weo totono lalomiu.

Yohanes 6:62

Kaowu nada amai bhahaa fekihimiu ane mohaomu Anano Manusia sumuli namoni te kaeateꞌano wawo?