Yohanes 5:28 - Muna Southern Dialect

²⁸ Koise menteomu ane metingkeomu peda ini, kapaꞌamo nahumato tempono kosasawindo mie weo kobuhu dametingke suahano.

Yohanes 5:28 Referans Kwoze

Powoha 20:12

Awohamo dua mie komate-mateno nabhala nahobu deehe-ehe ne wiseno kaengkohaꞌa kumalabhiano maitu. Sabhaha kitabi dolengkaemo, maka delengkamo dua seꞌonu kitabi sigaoꞌano, Kitabindomo Mie Dumadi. Mie komate-mateno dobhitahakida noposahataa bhe habundo peda tibuhino weo kitabi maitu.

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

1 Korintus 15:22

Kosasawindo manusia domate hampano kaseꞌisendo bhe Adam, pedamo dua itu kosasawindo manusia damodadida hampano kaseꞌisendo bhe Kristus.

Yohanes 3:7

Koise mentea mbaꞌinomo afohatoko tabeano sumuli lumenteomu.

Yohanes 5:20

Amano noasiꞌao Anano sampe nofosusuane sabhaha nehabuno Wutono; bhahamo namosusuane habu sedhuluꞌa dua kabhalano, somo kamenteꞌamiu.

Yohanes 4:21

Ambano Yesus, “Parasaea kanau waꞌina, tetewei nahumato tempono o mie paemo dasumombai Amaku Lahataꞌala te kabhawo aini, paemo dua we Yerusalem.

Tula-tulando rasulu 3:12

Nowoha mie bhahi maitu Petrus nopugaumo ambano, “Miendo Israel, noafa menteaneomu kadhadhia aini? Noafa ondo-ondo kainsamiomu, kao-kaomo mie aini kapooliꞌano nokala mbaꞌinomo insaodi ini mie kokuasano tawa mie lumebe?

Yohanes 4:23

Tamaka nahumato tempono, aitu ingka nohatomo, mie kotu-kotuꞌu sumombano ne Amaku Lahataꞌala dasumombaiꞌe maiꞌao ne totono lalondo bhe kasombaindo nabanara, kapaꞌamo Amaku nopoindaloda mie medano maitu.

Yohanes 5:25

Amohatokoomu dua, kotu-kotuꞌu nahumato tempono, aitu nohatomo, mie mateno dametingke suahano Lahataꞌala maka andoa metingkeno naꞌa dadumadi.

Tula-tulando rasulu 24:15

Pedamo dua andoa ini, o idi aposahunaꞌao ne Lahataꞌala putae kosasawindo mie mate sumuli dadumadi, namie metaa, namie modai!