Yohanes 5:24 - Muna Southern Dialect

²⁴ Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 5:24 Referans Kwoze

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 11:26

Sasuka mie dumadi marasaeano ne Idi paise namatea suhue dhamani. Parasaea kaa miina?”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 8:51

Amohatokoomu, kotu-kotuꞌu sasuka mangkafino pugauku paise naenamisi mate ampa suhue dhamani.”

1 Tesalonika 5:9

Kapaꞌamo Lahataꞌala miina nafopili so nofokantibhaꞌao amaha, tamaka so daeꞌawaꞌao kasalamatiꞌa mangkaꞌano ne Yesus Kristus Ompuntoomu.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

1 Yohanes 3:14

Ingka dopandeꞌaanemoomu, intaodiomu ini kao-kaomo dogampiomu maiꞌao ne mate, dopesuaꞌomu ne dadi. Katipandeꞌaoꞌano mbaꞌinomo doasiꞌao bhahitieꞌintoomu. Mie tapa moasiꞌaono bhahitieno sadaa-daaꞌe nokuasaiꞌe mate.

Yohanes 12:44

Yesus nofekabhala toha suahano ambano, “Sasuka marasaeano ne Idi miina kaowu namarasaea ne Idi, tamaka noparasaea ne Tumudu kanau.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Yohanes 4:36

Aitu mie tumobheno notahimamo ponambono, nefoꞌonu pehapino so kadadiꞌa ampa suhue dhamani. Dadiꞌanomo metisano bhe tumobheno sanea mowulano lalo.

Yohanes 6:50

Tamaka nopoꞌala bhe roti sumampuꞌano maiꞌaono te surugaa, sasuka momaaꞌe paise namatea.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Yohanes 6:58

Ainiꞌaemo roti sumampuno maiꞌaono te surugaa, nopoꞌala bhe roti nehumaando awuaꞌimiu bhe domatemo. Sasuka momaano roti aini nadumadi ampa suhue dhamani.”