Yohanes 4:42 - Muna Southern Dialect

⁴² Dopugaumo ne hobhine amaitu ambado “Insaodi taparasaea suano mbaꞌinomo tafetingke pugaumu, tamaka hampano tafetingkeꞌao wuto mani ne Anoa. Aitu tapandeꞌaanemo Anoamo ini kotu-kotuꞌu Mosalamatino dhunia.”

Yohanes 4:42 Referans Kwoze

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Yohanes 1:29

Nomentae Yohanes nowohamo Yesus nomaiꞌie. Nopugaumo ambano, “Ondoeꞌomu Anano Dhumbano Lahataꞌala, tumolosino dhosano dhunia.

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 4:29

Ambano “Mai ondoomu, ne tatu nandoo seemie nofohato kanau sabhaha nehabuku. Bhahaa Anoamo maitu Mesias, Omputo Fosalamatino?”

Lukas 2:32

Anoamo ini tapedamo tilanga umulawino sabhaha bansano liwu, somo dua meowano kakalabhia ne umatimu Israel.”

Yohanes 11:17

Gahaꞌa nohato we naꞌa, Yesus dofohatoemo putae Lasarus fato oleomo dokobuhue.

Matius 1:21

Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.”

Yohanes 4:41

Sedhuluꞌa dua kabhahindo mie marasaeano ne Yesus hampano kafoinaꞌuno.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Tula-tulando rasulu 13:23

Nomaiꞌaomo ne sampuꞌano Daud ini, Lahataꞌala nofoehemo Omputo Fosalamatino mbali miendo Israel, noposahataa bhe dhandino. Anoamo naꞌa koneaꞌano Yesus.

1 Yohanes 2:2

Kristus nembalimo kapopanga pometaaꞌaono manusia bhe Lahataꞌala, mosalinomo dhosantoomu. Bhahamoa suano kaowu dhosantoomu, tamaka dhosando manusia kosedhuniaꞌae ini.