Yohanes 4:21 - Muna Southern Dialect

²¹ Ambano Yesus, “Parasaea kanau waꞌina, tetewei nahumato tempono o mie paemo dasumombai Amaku Lahataꞌala te kabhawo aini, paemo dua we Yerusalem.

Yohanes 4:21 Referans Kwoze

1 Timotius 2:8

Dadiꞌanomo gaoku mpuu, ne amai maka dua o moꞌane dasumambahea datumanampe limando mongkilono, koe doꞌamahaa, koe dopotaga-tagalia.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Yohanes 4:23

Tamaka nahumato tempono, aitu ingka nohatomo, mie kotu-kotuꞌu sumombano ne Amaku Lahataꞌala dasumombaiꞌe maiꞌao ne totono lalondo bhe kasombaindo nabanara, kapaꞌamo Amaku nopoindaloda mie medano maitu.

Matius 18:20

Kapaꞌamo ane dohodua tawa dototolu dopohompu-hompu weo neaku, bhemo dua Idi ne itu.”

Efesus 3:14

Hampanomo kosasawiꞌae ini, afongkoha tuuku asambahea ne wiseno Amantoomu.

Yohanes 16:32

Nahumato tempono, ingka aitu nohatomo, hintimiu dagumasakoomu. Seemie-seemie nasumuli we lambuno humunsa kanauꞌomu taꞌamoisa. Gahaꞌa Idi miina amoisaa, kapaꞌamo Amaku nopobhai kanau.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Yohanes 5:28

Koise menteomu ane metingkeomu peda ini, kapaꞌamo nahumato tempono kosasawindo mie weo kobuhu dametingke suahano.

1 Petrus 1:17

Weo sambaheamiu, Lahataꞌala konaeꞌomu Amamiu. Ingka Anoamo so fobhotusino tanamangka-angka habundo manusia seemie-seemie, pae napoꞌala-alaandaa. Dadiꞌanomo tinangke nandoo butuomu we dhunia ini, fosibhalaeꞌomu mpuu Lahataꞌala.

Tula-tulando rasulu 6:14

Insaodi tafetingkee dua ambano, ‘Yesus maiꞌaono we Nasaret maitu namohansuru Lambuno Lahataꞌala ini, tubhono adhati kahunsaꞌaontoomu ne Musa nabhaliiꞌe!’ ”

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 5:25

Amohatokoomu dua, kotu-kotuꞌu nahumato tempono, aitu nohatomo, mie mateno dametingke suahano Lahataꞌala maka andoa metingkeno naꞌa dadumadi.

Lukas 21:24

Sigaꞌa damongkoanda kampue, sigaꞌa dawowoꞌoda so katohongku ne sabhaha onuno liwu ne dhunia ini. Kotano Yerusalem dapokafindaꞌiane sabhaha bansano liwu tapa mandeꞌaono Lahataꞌala ampa nakumapo tempo nefotantuno Lahataꞌala so andoa.”

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Powoha 21:22

Lambu mongkilo weo kota amaitu miina aohaea, hampano Ompu Lahataꞌala Fofoliuno Kuasa bhe Anano Dhumba maitu, andoamo lambu mongkilono.