Yohanes 3:5 - Muna Southern Dialect

⁵ Ambano Yesus, “Amohatoko, kotu-kotuꞌu ane seemie pae nalumente maiꞌao ne oe bhe Rohino Lahataꞌala, pae namesua weo Kafopahintaꞌano Lahataꞌala.

Yohanes 3:5 Referans Kwoze

Tula-tulando rasulu 2:38

Ambano Petrus, “Fetompaaneomu dhosamiu maka mefekadiuꞌomu seemie-seemie weo neano Yesus Kristus, so natiꞌamponiꞌao dhosamiu. Mada aitu damaꞌangkoomu kawaꞌaono Rohino Lahataꞌala.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Matius 3:11

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

1 Korintus 2:12

Intaodiomu miina daetahima rohino dhunia, tamaka netahimantoomu o Rohi maiꞌaono ne Lahataꞌala, neanomo damandeꞌaane sabhaha newaꞌaono Lahataꞌala ne intaodiomu.

Yohanes 1:13

Dembali anaꞌino Lahataꞌala, maꞌanano miina peda lentendo manusia, nomaiꞌao ne kapoindalono mbadha tawa kapoindalono moꞌane, tamaka dadi buꞌou naꞌa nomaiꞌao ne Lahataꞌala.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

1 Yohanes 2:29

Ingka pandeꞌaanemoomu, Kristus nodadi noangkafi kapoindalono Lahataꞌala. Dadiꞌanomo tabeano mandeꞌaaneomu dua putae sasuka mangkafino kapoindalono Lahataꞌala, ingka anaꞌinomo Lahataꞌala.

Galatia 6:15

Desuna bhe miina daesuna miina nakomaꞌa-maꞌanaa, ampamo dembali manusia buꞌou komaꞌanaꞌano.

Roma 14:17

Kapaꞌamo ane dopugauꞌao Kafopahintaꞌano Lahataꞌala, ingka miina damugauꞌao oti nehumaa bhe nefohoꞌu. Maraluuꞌano mpuu weo Kafopahintaꞌano Lahataꞌala o manusia damangkafi kapoindalono Lahataꞌala, katohopono dadi bhe kawulano lalo maiꞌao ne Rohino Lahataꞌala.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Matius 18:3

bhe nopugau ambano, “Amohatokoomu, kotu-kotuꞌu ane pae bhaliiꞌomu fekihimiu maka membaliomu nada anaꞌi, pae mesuaꞌomua weo Kafopahintaꞌano Lahataꞌala.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

Tula-tulando rasulu 3:19

Dadiꞌanomo dolimoomu ne Lahataꞌala, fetompaanemoomu dhosamiu, neanomo dhosamiu namekanggelaꞌiemo.

Lukas 13:3

Amohatokoomu, miina sepaliꞌa. Ampamo kaowu, ane pae metompaꞌao dhosamiu, kosasawimiu itu binasaomu dua nada andoa naꞌa.

Matius 5:20

Amohatokoomu, kotu-kotuꞌu pae bhe kapoolia mesuaꞌomu weo Kafopahintaꞌano Lahataꞌala, simbali podiumiu poangkafiꞌano bhe kapoindalono Lahataꞌala namoliu podiundo pande-pande Kitabi bhe miendo Farisi.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

Lukas 13:24

Notobhoosimo Yesus ne mie bhahi ambano, “Uleiꞌomu lalomiu pesuaꞌomu ne fointo mosekeꞌano. Kapaꞌamo amohatokoomu dobhahi mie mesobano damesua, tamaka paise damoolia.

Lukas 13:5

Amohatokoomu, miina sepaliꞌa. Ampamo kaowu, ane paise metompaꞌao dhosamiu, kosasawimiu itu binasaomu dua nada andoa naꞌa.”

Matius 19:24

Sakotuꞌuno nomuda seꞌulu kahumbau namangka ne kabhentano deu bhe mie hangkaea namesua weo Kafopahintaꞌano Lahataꞌala.”

Matius 21:31

Laꞌae bhahaa anaꞌi hoduano maitu mangkafino kapoindalono amando?” Dotobhoosimo mie andoa naꞌa ambado, “Membalino ai.” Ambano Yesus, “Amohatokoomu, kotu-kotuꞌu mealaꞌino sewa bhe karambole damaꞌindulu damesua weo Kafopahintaꞌano Lahataꞌala bhe hintimiu ini.

Markus 9:47

Ane ibahano matamu naehabuangko dhosa, sungkie; hampano naetaa mesua weo Kafopahintaꞌano Lahataꞌala nasembali matamu bhe daꞌumohoko weo narakaa kohaambaliꞌae matamu.

Markus 10:14

Sanowohada peda maitu, Yesus noꞌamahakimo anaguhuꞌino bhe nopugau ambano, “Hunsaꞌanomo anaꞌi andoa itu damai se Idi! Koise eleꞌaandaomua, hampano mie medandomo andoa ini so mieno Kafopahintaꞌano Lahataꞌala.

Yohanes 3:4

Ambano Nikodemus, “Nada amai bhahaa seemie kamungkula sumuli nalumente? Naembali bhahaa namesua toha weo tieno inano maka sumuli nalumente?”

1 Korintus 15:50

Bhahitieꞌiku, nepulaoꞌaoku peda aini: o dagi bhe hea pae bhe kapooli namesua weo Kafopahintaꞌano Lahataꞌala; o mbadha so binasano pae bhe kapoolia naeꞌawa dawu ne dadi so pata binasano.