Yohanes 3:29 - Muna Southern Dialect

²⁹ Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Yohanes 3:29 Referans Kwoze

Matius 9:15

Notobhoosi Yesus ambano, “Naembali bhahaa sabhangkaꞌino loꞌia buꞌou daguguhu tangasano nopobhaianda loꞌia buꞌou? Tantumo paise. Tamaka nahumato tempono, loꞌia buꞌou dawowoꞌoemo. Ne naꞌa kaneꞌomo damoasa.

Powoha 21:9

Nomaimo seemie malaꞌekati nomaiꞌao ne malaꞌekati pipituno maitu. Malaꞌekati andoa ini meintahanomo mangko fitu wokano moponoꞌaono fitu honda balaa kafetompaino. Anoa nopugau ne idi ambano, “Mai se ini, amotiwohaangko loꞌia buꞌou, hobhineno Anano Dhumba.”

Filipi 2:2

Dadiꞌanomo, hampano kosasawiꞌae naꞌa, fosangka kanaꞌeomu kawulano laloku: dadiomu sefekihi sekakolalo bhe sepatudhu, sekanini kaasi ne mie bhaimiu.

Yohanes 16:24

Ampa oleo itu miinaꞌo konimesaloomu weo neaku. Dadiꞌanomo tamesalomoomu, tetewei tumahimaeꞌomu neanomo nasumangkamo kawulano lalomiu.

1 Yohanes 1:4

Bhahi-bhahiꞌae ini tabuhiangkoeꞌomu so nosangkaꞌao kawulano lalontoomu.

2 Korintus 11:2

Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

Lukas 15:6

Sahatono we lambu nasumaliꞌimo sabhangkaꞌino bhe santieneno maka napugauanda, ‘Moꞌia kaitaomu, dhumbaku miinaeꞌano aꞌawaemo.’

Matius 25:1

“Nahumato wakutuu anaꞌa, Kafopahintaꞌano Lahataꞌala tapedamo doompulu kalambe, deala bhe kantaleando maka dokala dosumpui loꞌia buꞌou.

2 Yohanes 1:12

Nandoo nobhahi sepaliꞌa so nefohatoꞌaoku ne hintimiu, ampamo kaowu naetaa pae abuhie ne suha. Aposahunaꞌao amai adumongawikoomu maka daetula-tula dapowise-wiseomu, nosangkaꞌao kaꞌiantoomu.

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Matius 22:2

Ambano, “Kafopahintaꞌano Lahataꞌala tapedamo seemie omputo nehabu hame-hame kakawino anano.

Yohanes 3:30

Anoa tetewei sadhulu-dhulu kabhala, tamaka idi sadhulu-dhulu kahobu.”

Yohanes 15:11

Kosasawiꞌae ini afohatoangkoeꞌomu neanomo kawulano laloku naeate we lalomiu bhe kawulano lalomiu nasumungku.