Yohanes 3:26 - Muna Southern Dialect

²⁶ Dadiꞌanomo dokalamo ne Yohanes maka dopugau ambado, “Guru, ingka nandoo meꞌulaiꞌe mie poowaꞌamu we sewetano umeleno Yordan nesakusiiꞌaomu endefiꞌini. Gahaꞌa ampa aitu nofokadiu dua; o mie dopuli dokala ne Anoa.”

Yohanes 3:26 Referans Kwoze

Yohanes 1:7

Anoa ini nomai nosakusiiꞌao tilanga amaitu, neanomo kosasawindo manusia dametingke bhihitano bhe damarasaea ne tilanga.

Yohanes 12:19

Dopugaumo miendo Farisi sapada-pada andoa ambado, “Ingka wohaꞌao wuntano matamiu, suanomo nepoolintoomua. Kosedhuniaꞌae doangkafimo Anoa.”

Yohanes 11:48

Ane tadakumatahomo kosasawindo mie damarasaea ne Anoa, mada kaowu damai tantarando Roma damobinasa Lambuno Lahataꞌala ini bhe kosasawindo raꞌeati.”

Yohanes 1:15

Yohanes nosakusiiꞌao Anoa bhe nekei-kei ambano, “Anoamo ini nepulaoꞌaoku wakutuuno afohatokoomu, ‘Anoa nahumato namada idi, tamaka sakotuꞌuno nofoliu kanau Anoa, hampano nonandoomo wawo Anoa bhe idi!’ ”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 1:9

Tilanga amaitu tilanga sakotuꞌuno, nahumatomo we dhunia somo tumilano kosasawindo manusia.

Matius 23:7

Doasiane dua dofosibhalada we wuntano daoa bhe dokonada guru.

Matius 23:8

Tamaka hintimiu koise undaomu dakumonakoomu guru, kapaꞌamo seemie kaowu gurumiu; kosasawimiu itu sebhahi-bhahitieꞌomu.

Yohanes 4:1

Miendo Farisi dofetingkemo mie mangkafino Yesus bhe nekadiuno nofoliuꞌemo kabhahino mangkafino Yohanes.

Yohanes 4:2

(Gahaꞌaitumo sakotuꞌuꞌano wutono Yesus miina nafokadiu, mpahinomo anaguhuꞌino.)

Yohanes 4:31

Tangasano andoa we laano sala, anaguhuꞌino dosaliꞌimo Yesus naomaa. Ambado, “Guru, humaa kadeki.”

Yohanes 5:33

Hintimiu padamo metuduomu mie ne Yohanes maka nesakusiiꞌaono nopulaoꞌao Idi nokotuꞌu.