Yohanes 3:19 - Muna Southern Dialect

¹⁹ Kahukumu anaꞌa peda ini: o tilanga nohatomo we dhunia, tamaka manusia dopoindalo kahohondo bhe tilangaa, kapaꞌamo nodai podiundo.

Yohanes 3:19 Referans Kwoze

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

2 Tesalonika 2:12

Hato pandano, kosasawindo mie tapa marasaeano ne kabanara maitu bhe moindalono habu modai, daeꞌawa kahukumu.

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

Yohanes 12:43

Andoa doasiane kafosibhala ne manusia bhe ne Lahataꞌalaa.

Roma 1:32

Andoa dopandeꞌaane weo pahintano Lahataꞌala, mie humabuno bhahi-bhahiꞌae maitu nopantasimo damongkoe. Tamaka mahinggamo peda anaꞌa, tadohabumo kansuhu, bhahamoa dopoindaloe dua ane dohabue mie bhaindo.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

2 Petrus 3:3

Foliuno kafaraluu so nepandeꞌaomiu: namaꞌo pandano dhamani dahumato mie foele-eleno damele-elekoomu. Andoa dodadi doangkafi kaowu kapoindalono mbadhando.

Yohanes 1:4

Bhoasao amaitu kamaiꞌaoꞌano dadi, dadimo amaitu meowano tilanga mbali manusia.

Lukas 12:47

Seemie bhatua mandeꞌaono kapoindalono kafeompuꞌano tamaka miina namantaa-ntaa tawa miina nadhumalangiea, naobhahi naeꞌawa kabhebhe.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

Yohanes 7:7

Dhunia pae bhe kapooli dabansikoomua, tamaka dobansi Idi, hampano Idi sadhia afeꞌulaianda kadaino habundo.

Yohanes 7:17

Sasuka moindalono nadhumalangi kapoindalono Lahataꞌala, namandeꞌaane bhahaꞌi kafoinaꞌuku ini nomaiꞌao ne Lahataꞌala tawa nomaiꞌao ne Wutoku.

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Yohanes 1:5

Tilanga amaitu nokotila weo kahohondo, bhe kahohondo amaitu miina namoolie nopeonie.

Yohanes 9:5

Tangasano aeate we dhunia ini, Idimo ini tilangano dhunia.”

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.