Yohanes 3:18 - Muna Southern Dialect

¹⁸ Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

Yohanes 3:18 Referans Kwoze

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Roma 8:1

Dadiꞌanomo ampa aitu mie seꞌiseno bhe Kristus Yesus paemo dahumukumudaa.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

1 Yohanes 5:12

Mie tumahimano Anano Lahataꞌala detahimamo dadi; tamaka mie tapa tumahimano Anano Lahataꞌala miina daetahima dadi.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Roma 5:1

Dadiꞌanomo, hampano Lahataꞌala notahima kaitaomu peda mie banara mbaꞌinomo kaparasaeantoomu, maka ampa aitu intaodiomu dopometaamoomu bhe Lahataꞌala, noangka ne Yesus Kristus Ompuntoomu.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 6:47

Amohatokoomu, kotu-kotuꞌu sasuka marasaeano neꞌawamo dadi suhue dhamani.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Ibrani 3:19

Dadiꞌanomo dolosangiemoomu putae pata kapesuaꞌando hampano miina damarasaeaꞌa.

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.