Yohanes 21:12 - Muna Southern Dialect

¹² Ambano Yesus, “Maimoomu defebhakuomu!” Ne olotando anaguhuꞌino maitu bhe naseemie miina bhe mokadono so meenae, “Laꞌae hintu ini?” Kapaꞌamo dopandeꞌaanemo Anoa maitu Ompu.

Yohanes 21:12 Referans Kwoze

Tula-tulando rasulu 10:41

Ampamo kaowu mohae suano sabhaha miea, tamaka sakusii nepilino wawo Lahataꞌala, insaodimo ini. Insaodi tahumaa tafohoꞌu tapombali-mbali bhe Anoa palusi kawanuꞌano maiꞌao ne mate.

Yohanes 16:19

Gahaꞌa Yesus nopandeꞌaane patudhundo dameenae, dadiꞌanomo nopugaumo ambano, “Bhahaa pofee-feenaꞌao pugauku saꞌituini, ‘Tana sebantaha paemo moha kanauꞌomu, tana sebantaha toha moha kanaumoomu dua’?

Yohanes 21:15

Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

Markus 9:32

Anaguhuꞌino miina dalumosangiea pugauno, tamaka doteꞌi dameenae.

Yohanes 4:27

Tangasano dopuga-pugau, dohatomo anaguhuꞌino. Andoa domente sepaliꞌa dowoha Yesus nopuga-pugau bhe seemie hobhine, tamaka bhe seemie miina bhe meenano ne hobhine naꞌa, “Meꞌondofi ae?” Miina dua dameena ne Yesus noafaꞌao dua nopuga-pugauꞌao bhe hobhine amaitu.

Lukas 9:45

Anaguhuꞌino miina damandeꞌaanea maꞌanano pugauno naꞌa hampano nandoo notifebuni so andoa, tapamo katilosangiꞌano. Andoa miina dua daokadoa dameenaꞌao maꞌanano pugauno naꞌa.

Matius 22:46

Bhe naseemie miina bhe mandeno tumobhoosie; notanda oleo aitu bhe seemie miinamo dua bhe mokadono so meenae.

Yohanes 21:11

Simon Petrus nosawimo ne bhangka maka nohela pukando te wite noponoꞌao kenta bhalano. Kabhahino moꞌono lima fulu tolu ulu, tamaka mahinggamo peda anaꞌa pukando miina naobhensia.