Yohanes 20:31 - Muna Southern Dialect

³¹ Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 20:31 Referans Kwoze

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

2 Yohanes 1:9

Sasuka tapa mintahakino kafoinaꞌuno Kristus tamaka nekapingkaane, miinamo naseꞌise bhe Lahataꞌala. Sasuka mintahakino kafoinaꞌu anaꞌa noseꞌise bhe Lahataꞌala Ama bhe Anano.

Yohanes 6:40

Ainiꞌaemo kapoindalono Amaku, gaono mpuu sasuka mohano Anano bhe marasaeano ne Anoa naeꞌawa dadi suhue dhamani maka amodadie ne Oleono Kiama.”

Yohanes 19:35

Mie mohaꞌaono wuntano matano nosakusiiꞌao kadhadhia amaitu, neanomo hintimiu ⸤ mebasano bhe metingkeno⸥ marasaeaꞌomu dua. Kasakusiino naꞌa nokotuꞌu, nopandeꞌaane dua wutono nokotuꞌu daano.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Yohanes 10:10

Kasoꞌo nomai kaowu nosibu, nofopongko bhe nofofekabinasa, tamaka o Idi amai so daeꞌawaꞌao dadi, bhe dadumadi napontalabhi-labhi.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Lukas 1:4

neanomo mandeꞌaane kantoono sabhaha kafoguhu netahimamu.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Lukas 24:47

Nandoo dua notibuhi: weo neano Omputo Fosalamatino daefolele bhihita ne sabhaha bansano liwu putae dametompaꞌao dhosando maka Lahataꞌala naꞌumamponida. Bhihita anaꞌa damolelee natumanda we Yerusalem.

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Matius 27:54

Neangkando tantara bhe tantara dhumaganino Yesus doteꞌi sepaliꞌa dowoha lualino wite bhe sabhaha kumadhadhiaꞌano sampe dopugau ambado, “Kotu-kotuꞌu mie aini Anano Lahataꞌala.”

Tula-tulando rasulu 9:20

Lasao dua nopesua weo lambu-lambu kasambaheaꞌa nefebhihitaiꞌao putae Yesus Anano Lahataꞌala.

Tula-tulando rasulu 8:36

Andoa dokala kansuhu, gahaꞌa dehatomo koꞌoeꞌano. Ambano kabhala maitu, “Ingka inia o oe, nandoo bhahaa nekaemiku ane dakumadiu kanaumoa?”

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Yohanes 1:49

Ambano Natanael, “Guru, Hintu Anano Lahataꞌala, Hintumo Omputono Israel.”

Powoha 2:18

“Buhie dua so malaꞌekatino umati we Tiatira: pedamo aini kaowilino Anano Lahataꞌala, matano pasae hendeno efi, aꞌeno tapedamo tambaga ngkamala-mala.

1 Petrus 1:9

Kaoꞌiaꞌamiu hampano patudhuno kaparasaeamiu nosampemo, maꞌanano nosalamatimo alusumiu.

Matius 4:3

Gahaꞌa nomaimo Fosobano maitu bhe nopugau ambano, “Ane hintu ini Anano Lahataꞌala, soba tududa kontu ini daembali roti.”

Lukas 1:35

Notobhoosimo malaꞌekati, “Rohino Lahataꞌala nasumampu ne hintu bhe kuasano Lahataꞌala foliuno kalangke nakumaputiko, dadiꞌanomo anaꞌi so lumenteꞌano naꞌa dakumonae Mie mongkilo, Anano Lahataꞌala.

Tula-tulando rasulu 8:37

[Notobhoosimo Filipus, “Ane nokampuu-mpuumo lalomua weo kaparasaeamu, naembalimo dakumadiuko.” Ambano toha, “Aparasaeamo Yesus Kristus Anano Lahataꞌala.”]