Yohanes 2:22 - Muna Southern Dialect

²² Nopalusi kawanuꞌano nomaiꞌao ne mate, kaneꞌomo anaguhuꞌino dofeꞌulaiꞌe pugauno maitu. Dadiꞌanomo doparasaeamo ne wambano Kitabi bhe wambano Yesus.

Yohanes 2:22 Referans Kwoze

Yohanes 12:16

Wakutuu anaꞌa anaguhuꞌino miina dalumosangiea, tamaka nopalusi notiwoha kakalabhiano Yesus ⸤ ne mateno⸥ , kaneꞌomo dofeꞌulaiꞌe putae tibuhino naꞌa nopulaoꞌao Anoa, ingka padamo dua dodhalangie.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 2:17

Anaguhuꞌino dofeꞌulaimo tibuhino weo Kitabi, “Kaasiku ne lambumu tapedamo efi weo totono laloku somo mekawolo kanau.”

Tula-tulando rasulu 11:16

Tanokofeꞌulaimo dua laloku ne bhoasaono Ompu, ‘Yohanes nofokadiuꞌao oe, tamaka hintimiu dakumadiuangkoomu Rohino Lahataꞌala.’

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Lukas 24:26

Ingka Mesias Omputo Fosalamatino tetewei naenamisi kadeki kosasawiꞌae maitu so namehapiꞌao kakalabhiano.”

Yohanes 2:2

Yesus bhe anaguhuꞌino dobhasida dua we kahame naꞌa.

Tula-tulando rasulu 13:33

nokoꞌulamo ne intaodiomu sampuꞌando. Kapaꞌamo Yesus nofowanuemo nomaiꞌao ne mate peda tibuhiꞌano weo Laguno Daud kahaa iseno, ⸤ Ambano Lahataꞌala⸥ , ‘Hintu anaku! Akoanaꞌaangkomo oleo itu.’