Yohanes 2:18 - Muna Southern Dialect

¹⁸ Miendo Yahudi dofoewa Yesus ambado, “Motiwoha kainsami tanda timenteꞌaono medano ae bhahaa so katandaino hakumu mehabu peda itu?”

Yohanes 2:18 Referans Kwoze

Yohanes 6:30

Maka ambado toha, “Mehabu kainsami tanda ae bhahaa, tamohaꞌao bhe tamarasaeaꞌao ne hintu? Kahadhaa ae bhahaa so nehabumu?

Tula-tulando rasulu 5:28

“Padamo tafokii-kiikoomu taꞌeleꞌaangkoomu fofoguhuomu weo neano mie aitu. Tamaka o ae koꞌulaꞌano? Kafoguhumiu nokabhintiemo kosekaꞌewaꞌae Yerusalem, pakade patudhumiu kamateꞌano mie aitu malaꞌa kainsamieꞌomu insaodi.”

Tula-tulando rasulu 4:7

Pada anaꞌa Petrus bhe Yohanes doowadamo te wisendo maka dofee-feenada ambado, “Mepakeomu kuasa ae gahaꞌa, bhahaꞌi pakeomu nea laꞌae fekaꞌosaomu kalu aini?”

Yohanes 1:25

Andoa ini dofeenamo ne Yohanes ambado, “Ane hintu suano Mesias Omputo Fosalamatino, suano anabii Elia, suano dua anabii neanta-antagi, noafa dua fokadiuꞌao?”

Lukas 11:29

Tangasano dolibu-libue mie bhahi maitu Yesus nopugaumo ambano, “Mie dhamani aini nodai diundo. Andoa desalo seꞌise tanda tapa mentela tamaka paise damaꞌanda ampamo kaowu tandano kumadhadhiano ne anabii Yunus.

Markus 8:11

Domaimo miendo Farisi dopuga-pugau bhe Yesus, deꞌondofi tingku damoꞌalae. Desalomo naehabuanda giu timenteꞌaono so katandaino putae Anoa ini nomaiꞌao te surugaa.

Matius 21:23

Yesus nopesuamo toha weo Lambuno Lahataꞌala. Tangasano nofofoinaꞌu ne itu domaimo neangkaꞌindo imamu bhe kamu-kamungkulaꞌindo Yahudi dofeena ambado, “O ae gahaꞌa kaengkohaꞌano kuasa mehabu sabhaha timenteꞌaono maitu? Nofopooliko laꞌae bhahaa?”

Yohanes 1:19

Neangkaꞌindo miendo Yahudi we Yerusalem detudumo seemie hodua imamu bhe sampuꞌano Lewi, ⸤ o palima-limano imamu⸥ . dakumala ne Yohanes maka dofeena ambado, “Laꞌae bhahaa hintu ini?”