Yohanes 19:34 - Muna Southern Dialect

³⁴ Seemie ne olotando tantara maitu nokahadamo tompano kaha-kahano Yesus, lasao nekamawa hea bhe oe.

Yohanes 19:34 Referans Kwoze

1 Yohanes 5:6

Yesus Kristus nomai we dhunia ini, nekadiu oe bhe hea. Anoa nohato miina kaowu naekadiu oe, tamaka nekadiu oe bhe hea. Sumakusiiane Rohino Lahataꞌala, kapaꞌamo Rohino Lahataꞌala miina nakopahaa.

Powoha 7:14

Ambaku, “Waompu, ingka hintumo mandeꞌaane!” Maka nopugau toha ambano, “Andoa ini mie lumimbano maiꞌao ne tempono kasabha bhalano, dhubando padamo dotofae ampa nopute weo heano Anano Dhumba.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

Ibrani 9:22

Daanumo weo tubhono agama Yahudi naembali dakumonae bhahi-bhahiꞌae dofekangkiloane hea. O dhosa pae bhe kapooli natiꞌamponi ane pae bhe hea lumimbaꞌano.

Ibrani 9:13

Heano membe bhe sapi moꞌane bhe walono anano sapi netunu dopakee mbali dokambesiꞌao mie kodengo-dengono weo atorano agama Yahudi, neanomo suli dongkilo. Sanginomo o hea bhe walo amaitu nembalimo nefekangkilo mbadhando manusia,

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Matius 27:62

Hato nomentae, oleonomo Sabat. Gahaꞌa neangkaꞌindo imamu bhe miendo Farisi dosikala-kalaꞌa dopoꞌawaꞌao Pilatus.

Tula-tulando rasulu 22:16

Dadiꞌanomo noafa gahaꞌa nopoibhahaꞌao lalomu? Ehe, owa wutomu dokadiukoana. Metondala ne Ompu, fekangkilo totono lalomu notiꞌamponiꞌao dhosa-dhosamu!’

Yohanes 19:33

Tamaka dohato ne Yesus, dowohae ingka gahaꞌa nomatemo, sampe miinamo datumampuliea aꞌenoa.

Yohanes 20:20

Pada nopugau peda naꞌa nofotiwohaandamo limano bhe tompano kaha-kahano. Anaguhuꞌino nowula sepaliꞌa lalondo dowoha Ompu.