Yohanes 19:30 - Muna Southern Dialect

³⁰ Pada nofenami angguru mokolo naꞌa, Yesus nopugaumo ambano, “Notokamo!” Pada anaꞌa nofolongkomo fotuno maka nofotawakala inawano, nobhotumo.

Yohanes 19:30 Referans Kwoze

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Filipi 2:8

Anoa nofekapanda Wutono, neangka mpuu ne Lahataꞌala, sampe mate, nomate te sau salipu.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Yohanes 10:11

Idimo ini dhagano dhumba metaano lalo. Dhaga metaano lalo nopotahoꞌao inawano so dhumbano.

Lukas 23:46

Pada anaꞌa Yesus nokei nofekandii-ndii, “Ama, inawaku aposahunaꞌaanemo ne handano limamu.” Pada nopugau peda naꞌa nobhotumo.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Yohanes 19:28

Pada anaꞌa, Yesus nopandeꞌaanemo bhahi-bhahiꞌae nopalusimo. Dadiꞌanomo nopugaumo ambano, “Nokekele wuꞌuku!” Kanandooꞌano peda ini somo nakoꞌulaꞌao wambano Kitabi.

Markus 15:37

Pada aitu Yesus nokeiꞌaomo pandano nafasi maka nobhotu.

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Matius 27:50

Yesus nokei toha nofekandii-ndii maka nofosipuli inawano.

Ibrani 9:22

Daanumo weo tubhono agama Yahudi naembali dakumonae bhahi-bhahiꞌae dofekangkiloane hea. O dhosa pae bhe kapooli natiꞌamponi ane pae bhe hea lumimbaꞌano.

Roma 3:25

Lahataꞌala padamo nofotantue putae Yesus nembali kapopanga mosalino amahano Lahataꞌala, noangka ne tuhuno heano. Kapometaa naꞌa datumahimae ane damarasaea ne Yesus. Aini nohabue Lahataꞌala so notiwohaꞌao kaꞌadhilino, kapaꞌamo padamo nosabahakie sabhaha dhosando manusia endefiꞌini, patamo katihukumuꞌando.

Matius 3:15

Nopugaumo Yesus ambano, “Hunsaꞌanomo aitu, kapaꞌamo nofaraluu peda aini so damangkafiꞌao kosasawiꞌae kapoindalono Lahataꞌala.” Dadiꞌanomo Yohanes noangkafie kamesalono.

1 Korintus 5:7

Ohoeꞌomu ragi ngkodau itu ⸤ kaꞌibahatino dhosa⸥ , neanomo membaliomu nada kadhalono tarigu buꞌou pata koragiꞌano. Ingka hintimiu daanumo pedamo anaꞌa. Kapaꞌamo Kristus, anano dhumbantoomu so kapopanga ne hohaeaꞌano Paska, padamo dosumbelee.

Lukas 22:37

Kapaꞌamo amohatokoomu, aeatino Kitabi tetewei nakoꞌulamo ne Idi peda ini, ‘Anoa notilentu mie modai.’ Hampano sabhaha tibuhino mulaoꞌaono Idi napikikoꞌulamo.”