Yohanes 19:17 - Muna Southern Dialect

¹⁷ Poowa notongku sau salipuno, Yesus nolimbamo we simbalino kota nohope te kabhawo nekonando Kaꞌuada. Weo wamba Ibrani dokonae Golgota.

Yohanes 19:17 Referans Kwoze

Lukas 23:33

Dohato te kabhawo koneaꞌano Kaꞌuada, Yesus dokantaiꞌemo te sau salipu. Pedamo dua anaꞌa mie modai hoduano, seemie we suanano, seemieno we kemano.

Lukas 14:27

Laꞌae so tapa tumongkuno sau salipuno maka namangkafi kanau, pae naembali so anaguhuku.

Lukas 23:26

Wakutuuno dowowoꞌo Yesus we sembalino kota, detaangimo seemie koneaꞌano Simon miendo Kirene maka dofotongkuane sau salipuno Yesus bhe dotudue namangkafie. Anoa ini kaneꞌo nosuli maiꞌao we simbalino kota.

Tula-tulando rasulu 7:58

Dobulue we simbalino kota maka dobhatumbuliane kontu. Sakusii andoa ini dolembisi dhubando maka dohunsae ne wiseno seemie anaꞌi moꞌane koneaꞌano Saulus.

Markus 15:32

Naetaa Mesias, Omputo Israel Fosalamatino maitu, nasumampumo namaiꞌao te sau salipu, dowohaꞌao bhe doparasaeaꞌao.” Mahingga mie hoduano tisalipuno ne sohihino dowambakie dua.

Lukas 23:38

Te wawo, ne potalaꞌano fotuno, notibuhi “ Anoamo ini Omputo miendo Yahudi.”

Lukas 9:23

Kosasawindo nofohatodamo ambano, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno seꞌo-seꞌoleo ⸤ maꞌanano doꞌunda mahingga damate⸥ maka namangkafi kanau.

Markus 15:26

Tingkuno katisalipuꞌano dobuhie maka dofopikae te salipuno. Kabuhino peda ini, “ Omputo miendo Yahudi”.

Markus 10:21

Noꞌondo mie amaitu, Yesus noasiane maka nopugau ambano, “Tasehonda nekaemimua! Sulimo, asoe sabhaha fehebuaꞌamu, olino dawu-dawuandae mie mokae, maka meꞌawa arataa te surugaa. Mada anaꞌa maimo angkafi kanau.”

Markus 8:34

Pada aitu Yesus nosaliꞌimo mie bhahi bhe anaguhuꞌino maka nopugau ambano, “Ane dopoindalo damangkafi kanau, tetewei dahumunsa kapoindalondo wutondo. Mada anaꞌa datumongku sau salipundo ⸤ maꞌanano doꞌunda mahingga damate⸥ maka damangkafi kanau.

Matius 27:37

Te wawono fotuno defopikaane kabuhi, tingkunomo katisalipuꞌano. Wambano peda aini, “ Yesus, Omputo miendo Yahudi.”

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 10:38

Laꞌae so pata tumongkuno sau salipuno maka namangkafi kanau, pae namantasia so Idi.

Yohanes 5:2

We Yerusalem ne owano fointo bhalano koneaꞌano Kagualino Dhumba nandoo oe kaekadiuꞌa, weo wamba Ibrani dokonae Betesda. Oe aini doselie maka dowaliligiane tambi kafeoluꞌa lima onu.

Yohanes 19:13

Nofetingke pugau anaꞌa, Pilatus nowowoꞌomo toha Yesus we simbali maka nengkoha ne kaengkohaꞌa kaebhotusiꞌa. Kaengkohaꞌa naꞌa nekonando Ale Kontu, weo wamba Ibrani dokonae Gabata.