Yohanes 18:28 - Muna Southern Dialect

²⁸ Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Yohanes 18:28 Referans Kwoze

Yohanes 19:9

Nopesuamo toha weo kamali bhe nopugau ambano, “Maiꞌao ne amai gahaꞌa?” Tamaka Yesus miina natumobhoosiea.

Yohanes 18:33

Pilatus nosulimo weo kamali, nobhasimo Yesus maka nofeenae ambano, “Nokotuꞌu bhahaa hintumo ini Omputo miendo Yahudi?”

Yohanes 19:14

Oleo hambi-hambi ompulu haa matamo ne oleo kaefotokaꞌa hohaeaꞌano Paska. Nopugaumo Pilatus ne miendo Yahudi ambano, “Aini omputomiu.”

Matius 27:27

Pada anaꞌa tantaraꞌino gubernur doowamo Yesus se kamalino kaebhotusiꞌa parakara, maka kosasawindo tantara doloꞌoida dapohompu-hompu dolibu-libu Yesus.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Yohanes 11:55

Wakutuu anaꞌa nomaꞌomo Paska, hohaeaꞌando miendo Yahudi. Dadiꞌanomo dobhahi mie maiꞌaono ne sabhaha liwu dokala we Yerusalem damekangkilo wutondo ne wiseno Ompu, tinangke miinaꞌo nahumato oleono Paska.

Tula-tulando rasulu 11:3

Ambado, “Hintu ini pesua weo lambudo mie suano Yahudi tapa nesuna, pakade humaa pombali-mbali bhe andoa.”

Tula-tulando rasulu 10:28

Ambano Petrus ne andoa, “Ingka pandeꞌaaneomu o falia bhalano weo agama mani ane miendo Yahudi dopoanaꞌibhai bhe mie suano miendo Yahudi tawamoa dopesua weo lambudo. Tamaka Lahataꞌala padamo nofotiwoha kanaꞌe, pae naembalia akumona mie bhaiku dohaku tawa miina daongkiloa.

Yohanes 18:39

Tamaka ingka nandoo kaneamiu ne hohaeaꞌano Paska aefolimbaangkoomu seemie katohongku. Dadiꞌanomo poindaloomu bhahaa amolimbaangkoomu Omputo miendo Yahudi ini?”

Lukas 22:66

Hato nomentae dosihompumo kamu-kamungkulaꞌindo Yahudi, neangkaꞌindo imamu bhe pande-pande Kitabi maka doowa Yesus te wiseno Sahano Agama.

Markus 15:16

Pada peda naꞌa, tantara doowamo Yesus we kamali kaebhotusiꞌa parakara. Maka kosasawindo tantara dosaliꞌida dapofoꞌo-foꞌonu.

Yohanes 18:13

Kabhao-bhaono Yesus doowae ne Hanas, kamungkula poniano Kayafas. Kayafas naꞌa membalino Imamu Bhalano taꞌu aitu.

Yohanes 18:15

Simon Petrus bhe seemie anaguhu sigaoꞌano doangkafi Yesus. Anaguhu seemieno naꞌa dopopandeꞌao bhe Imamu Bhalano sampe nopesua nopoowa-owa bhe Yesus weo kadeteno kamalino Imamu Bhalano.

Yohanes 19:11

Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Tula-tulando rasulu 4:27

Nopokantibhamo bhe anaꞌa Herodes bhe Pontius Pilatus, mie maiꞌaono ne sabhaha bansano liwu bhe miendo Israel dohompumo ne kota ini dopugau-gau doewangi Yesus palima-limamu mongkilono, nesangkemu mbali Omputo Fosalamatino.

Tula-tulando rasulu 10:32

Aitu metudu mie dakumala we Yope daꞌumulei Simon nekonando dua Petrus, anoa nobutu we lambuno Simon pande bhalula, meateno we wiwino teꞌi.’