Yohanes 18:20 - Muna Southern Dialect

²⁰ Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Yohanes 18:20 Referans Kwoze

Yohanes 7:26

Tamaka ondoomu itu, Anoa tanewasamo nopugau, miina bhe kodiuno. Daesuhui ae neangkaꞌintoomu dopandeꞌaanemo Anoamo ini Mesias Omputo Fosalamatino.

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Lukas 21:37

Ole-oleo Yesus nofofoinaꞌu weo Lambuno Lahataꞌala, hato kohondoꞌa nokalamo noodo te kabhawo koneaꞌano kabhawono Zaitun.

Yohanes 7:4

Kapaꞌamo ane dopoindalo dofepandeꞌao ne mie bhahi, ingka miina naembalia dofebuni nehabundo. Dadiꞌanomo ane mehabu sabhaha tanda medando aitu, fotiwoha wutomu ne dhunia!”

Lukas 4:15

Yesus nofofoinaꞌu ne lambu-lambu kasambaheaꞌa ne itu, maka kosasawindo metingkeno dopudhi-pudhie.

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Matius 9:35

Pedamo aitu, Yesus noliligi kota bhe liwu ne itu, nofofoinaꞌu weo lambu kasambaheaꞌa bhe nefolele Bhihita Metaano Kafopahintaꞌano Lahataꞌala, poowa nefekasali sabhaha saki bhe kadaino namisi.

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

Yohanes 8:2

Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 7:14

Ne pofelabuntaꞌano hohaeaꞌa naꞌa, gahaꞌa Yesus tadua nopesuamo weo Lambuno Lahataꞌala maka nofofoinaꞌu ne itu.

Matius 26:65

Nofetingke peda naꞌa Imamu Bhalano lasao nopobhensiꞌao pakeano bhe nopugau ambano, “Aitumaka! Mie aini ingka nofekaꞌaebumo Lahataꞌala, nopototoꞌao wutono bhe Lahataꞌala! So dua ae gahaꞌa daeꞌondofi sakusii? Ingka fetingkeemoomu naꞌa.

Tula-tulando rasulu 26:26

Kosasawiꞌae ini nopandeꞌaane mpuu kolaki Agripa, kaokadoꞌakumo aetula-tula mentalea-mentalea ne wiseno. Aposahunaꞌao kosasawiꞌae ini miinaꞌo bhe pata nefetingkeno, kapaꞌamo ingka nokadhadhia we mohameꞌano, miina natifebunia.

Matius 24:26

Dadiꞌanomo ane mie dapugau ne hintimiu, ‘Bhe Mesias Omputo Fosalamatino te pandaso bhalano’, koe kalaomua; tawa, ‘Mesias nekaꞌuko weo boloku’, koise parasaeaꞌomua.

Markus 8:32

Yesus nofohatoda mentalea-mentalea, tamaka Petrus nohelae ne sohihino maka nofeꞌalae.

Yohanes 6:59

Kosasawiꞌae ini nokowambaane Yesus we liwuno Kapernaum, wakutuuno nofofoinaꞌu weo lambu kasambaheaꞌa.

Yohanes 18:21

Noafa gahaꞌa feenaꞌao Idi? Feena mie metingke kanau peda amai pugauku ne andoa. Andoa dopandeꞌaane mpuu pugauku.”