Yohanes 17:25 - Muna Southern Dialect

²⁵ Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 17:25 Referans Kwoze

Yohanes 17:11

Idi paemo aeate we dhunia ini, asumulimo te Hintu, tamaka andoa sadaa-daa we dhunia. O Hintu Amaku mongkilono, dambaꞌaanda weo kuasano neamu, kuasa kawaꞌaomu ne Idi, neanomo andoa daseꞌise nada Intaodi doseꞌise.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 15:21

Kosasawiꞌae naꞌa dahumabue ne hintimiu hampano hintimiu anaguhuꞌiku, kapaꞌamo miina damandeꞌaanea Tumudu kanau.

Yohanes 7:29

Tamaka Idi apandeꞌaane, kapaꞌamo amaiꞌao ne Anoa, Anoamo tumudu kanau.”

Yohanes 16:27

Kapaꞌamo wutono Amaku noasiangkoomu, hampano padamo moasi kanauꞌomu bhe parasaeaꞌomu putae Idi ini amaiꞌao ne Lahataꞌala.

Ibrani 8:11

Paemo namaraluua seemie-seemie namoinaꞌu mie bhaino, paemo dua namaraluua seemie-semie namohato bhahitieno putae, ‘Tabeano mandeꞌaane Ompu!’ Kapaꞌamo kosasawindo, naobhala naohobu sanea damandeꞌa kanau.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Yohanes 10:15

Tapedamo Amaku nopandeꞌa kanau, Idi apandeꞌaane dua. Idi ini apotahoꞌao inawaku so dhumbaku.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

Lukas 10:22

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.”

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

1 Yohanes 1:9

Tamaka ane domangakuꞌao dhosantoomu ⸤ ne wiseno Lahataꞌala⸥ , teteweimo naꞌumamponie sabhaha dhosantoomu bhe namekanggelaꞌie sabhaha diu modaintoomu. Kapaꞌamo Lahataꞌala nokampuu-mpuu ne dhandino bhe noꞌadhili.

2 Tesalonika 1:8

Nahumukumu mie kumiidono mandeꞌaono Lahataꞌala bhe pata mangkafino Bhihita Metaano Yesus, Ompuntoomu.

1 Korintus 15:34

Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

Roma 3:26

Tamaka ampa aitu Lahataꞌala nobhotusiemo dhosando manusia so notiwohaꞌao kaꞌadhilino, neanomo nentaleaꞌao putae Wutono nobanara bhe nofobanara manusia marasaeano ne Yesus Kristus.

Roma 3:11

Miina bhe kofekihino, miina bhe umondofino Lahataꞌala.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Tula-tulando rasulu 17:23

Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Yohanes 17:21

Aesalo sio-siomo kosasawindo daseꞌise, peda Hintu Ama seꞌise bhe Idi, Idi aseꞌise bhe Hintu. Sio-siomo dua daseꞌise bhe Intaodi, neanomo dhunia damarasaea Hintumo tumudu kanau.

Yohanes 17:18

Pedamo Hintu tudu kanau we dhunia, Idi atududamo dua ne dhunia.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 16:30

Aitu tapandeꞌaanemo, Hintu pandeꞌaane bhahi-bhahiꞌae. Ingka miinamo namaraluua dameenako. Dadiꞌanomo taparasaeamo Hintu ini maiꞌao ne Lahataꞌala.”

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 8:19

Ambado toha, “Ne amai gahaꞌa Amamu?” Ambano Yesus, “Naetaa Idi naetaa Amaku miina mandeꞌaaneomua. Ane mandeꞌaaneomu laꞌae Idi ini, tetewei mandeꞌaaneomu dua Amaku.”

Yohanes 6:19

Andoa dobhose napelima tawa nomo kilomo kakodoꞌonoa, tadua dowohamo Yesus nekala-kala te wawono oe nomaꞌoti bhangkando. Andoa doteꞌi sepaliꞌa.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Powoha 16:5

Afetingkemo dua malaꞌekati kumuasaino oe nopugau ambano, “Hintu ndumandoono bhe toka ndumandoono, Hintu mongkilono, noꞌadhili mpuu kahukumu nefondawumu.