Yohanes 17:18 - Muna Southern Dialect

¹⁸ Pedamo Hintu tudu kanau we dhunia, Idi atududamo dua ne dhunia.

Yohanes 17:18 Referans Kwoze

Yohanes 20:21

Nopugaumo toha Yesus ambano, “Katohopono dadi so hintimiu! Pedamo Amaku notudu kanau, atudukoomu dua kumalaomu.”

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 4:38

Hintimiu atudukoomu tumobheomu ne kaampo tapa nemowuleꞌaomiu; bhaindo mowuleane, hintimiu kolabaꞌaono kaowuleꞌando.”

Matius 10:5

Yesus notudumo anaguhuno ompulu hoduano naꞌa dakumala bhe nofohatoda ambano, “Koise angkafiomu kampuna humopeꞌano we liwundo mie suano Yahudi tawa mesuaꞌano weo kotando miendo Samaria.

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Yohanes 17:21

Aesalo sio-siomo kosasawindo daseꞌise, peda Hintu Ama seꞌise bhe Idi, Idi aseꞌise bhe Hintu. Sio-siomo dua daseꞌise bhe Intaodi, neanomo dhunia damarasaea Hintumo tumudu kanau.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Matius 23:34

Dadiꞌanomo, amohatokoomu: mada kaowu aetuduangkoomu ana-anabii, mie kotimbangi bhe pande-pande Kitabi. Andoa maitu sigaꞌa mongkodaomu bhe kumantaidaomu te sau salipu, sigaꞌa humambisiandaomu habuta weo lambu kasambaheaꞌa, maka umamba-ambadaomu dapontaala-ala ne amai kota.

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.