Yohanes 16:28 - Muna Southern Dialect

²⁸ Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”

Yohanes 16:28 Referans Kwoze

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

Yohanes 16:5

Tamaka aitu asumulimo te Tumudu kanau, gahaꞌa ne olotamiu itu miina bhe meena kanau bhahaꞌi akumala ne amai.

Yohanes 17:5

Dadiꞌanomo Ama, waꞌa kanau toha kakalabhiaku ne sohihimu, napototo bhe kakalabhiaku ne sohihimu endefiꞌini, miinaꞌo natifokonandoo dhunia.

Yohanes 16:16

“Tana sebantaha paemo moha kanauꞌomu, tamaka tana sebantaha toha moha kanaumoomu dua.”

Yohanes 14:28

Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Lukas 24:51

Tangasano nobarakatida, Yesus nogaatidamo notisangke te surugaa.

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Yohanes 17:11

Idi paemo aeate we dhunia ini, asumulimo te Hintu, tamaka andoa sadaa-daa we dhunia. O Hintu Amaku mongkilono, dambaꞌaanda weo kuasano neamu, kuasa kawaꞌaomu ne Idi, neanomo andoa daseꞌise nada Intaodi doseꞌise.

Lukas 9:51

Nomaꞌo kaowu tempono katisangkeꞌano te surugaa, Yesus neꞌonumo lalono nakumala we Yerusalem.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Yohanes 16:10

Namoꞌinsafuanda kabanara, kapaꞌamo Idi asumulimo ne Amaku maka hintimiu paemo moha kanauꞌomu.

Yohanes 16:30

Aitu tapandeꞌaanemo, Hintu pandeꞌaane bhahi-bhahiꞌae. Ingka miinamo namaraluua dameenako. Dadiꞌanomo taparasaeamo Hintu ini maiꞌao ne Lahataꞌala.”