Yohanes 16:25 - Muna Southern Dialect

²⁵ Kosasawiꞌae ini apale-palendaangkoeꞌomu kaowu. Gahaꞌa nahumatomo tempono paemo aepalendaangkoomu, amohatoangkoeꞌomu mentalea-mentalea laꞌae Amaku.

Yohanes 16:25 Referans Kwoze

Yohanes 16:12

Nandoo nobhahi dua so nefohatoꞌaoku ne hintimiu, ampamo kaowu aitu paeꞌo sumodaiꞌeomua.

Yohanes 10:6

Pedamo anaꞌa kapalendano Yesus ne andoa, tamaka miina dalumosangiea o ae maꞌanano pugauno maitu.

Markus 4:13

Yesus nopugaumo toha, “Miinaꞌo mandeꞌaaneomua gahaꞌa maꞌanano kapalenda saꞌituinia? Ane peda anaꞌa, nada amai gahaꞌa melosangiomu kapalenda sigaoꞌano?

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

Yohanes 16:2

Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Markus 4:34

Dadiꞌanomo ane nefoinaꞌu mie bhahi, sadhia nepalendaanda. Tamaka ane tanomoisa bhe anaguhuꞌino, kosasawiꞌae nofohatoandae bhe maꞌanano.

Markus 8:32

Yesus nofohatoda mentalea-mentalea, tamaka Petrus nohelae ne sohihino maka nofeꞌalae.

Yohanes 10:24

Miendo Yahudi dolibue bhe dopugau ambado, “Tana seꞌae kaomponanoa kumataho kainsami tapoibhaha peda ini? Ane hintumo ini Mesias Omputo Fosalamatino fohato kainsami mentalea-mentalea.”

Yohanes 16:32

Nahumato tempono, ingka aitu nohatomo, hintimiu dagumasakoomu. Seemie-seemie nasumuli we lambuno humunsa kanauꞌomu taꞌamoisa. Gahaꞌa Idi miina amoisaa, kapaꞌamo Amaku nopobhai kanau.