Yohanes 16:22 - Muna Southern Dialect

²² Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa.

Yohanes 16:22 Referans Kwoze

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

Tula-tulando rasulu 13:52

Mangkafino Yesus te Antiokia nowula lalondo, nokabhintida Rohino Lahataꞌala.

Yohanes 16:6

Tamaka aitu afohatokomoomu, kaoguguhuꞌanomo lalomiu.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Tula-tulando rasulu 16:25

Kafewuntaꞌino alo Paulus bhe Silas dosambaheamo bhe delagu-lagu dopudhi Lahataꞌala. Katohongku bhaindo dofetingkeda dua.

Tula-tulando rasulu 2:46

Andoa dokampuu-mpuu dosekakolalo, seꞌo-seꞌoleo dopohompu-hompu weo Lambuno Lahataꞌala. Andoa doꞌia bhe nohelasi lalondo dopoharoa ne lambudo seemie-seemie dopali-paliꞌaane.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Yohanes 21:7

Anaguhu kamoasiꞌaono Yesus nopugaumo ne Petrus ambano, “Ingka Ompu maitua.” Nofetingke putae Ompu maitu, Simon Petrus nebhadhumo kapaꞌamo saꞌituini miina nakobhadhua, maka nopunda weo teꞌi.

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 14:1

Nopugaumo Yesus ambano, “Koise nosabha handamiu, parasaeaꞌomu ne Lahataꞌala, parasaeamoomu dua ne Idi.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Lukas 24:41

Gahaꞌa andoa miinaꞌo dua damarasaea hampano kaꞌiando bhe mentendo. Yesus nopugaumo dua ambano, “Nandoo bhahaa oti nehumaa ne ini?”

Lukas 16:25

Tamaka Abraham tanopugau ambano, ‘Anaku, tandaiꞌe hintu padamo namisie sabhaha mombakaꞌano weo dadimu, tamaka Lasarus nonamisi sabhaha mopaꞌiꞌano. Ampa aini anoa notilawesimo lalono ne ini, tamaka hintu notolau kakadee-deemu.

Lukas 10:42

Ingka ampamo sehonda maraluuꞌano. Maria nopilimo metaaꞌano, maka paise damalae mie bhaindo.”

Matius 28:8

Dofetingke peda naꞌa, lasao dohunsa kobuhu naꞌa bhe dotende damohato anaguhuꞌino. Ponamisindo doteꞌi tamaka doꞌia dua sepaliꞌa.

Yohanes 16:20

Amohatokoomu, kotu-kotuꞌu mada kaowu hintimiu moꞌaeꞌomu, mekaꞌuleiꞌomu tamaka dhunia naoꞌia. Daanumo mosabhaomu, tamaka kasabhamiu itu naembali kawulano lalo.

Lukas 19:26

Ambano toha kafeompuꞌa naꞌa, ‘Amohatokoomu, sasuka mie kokanandoono datumabhahiane, tamaka tapa kokanandoono, o ae maka dua kanandoono damadae damalaꞌie.

Yohanes 16:16

“Tana sebantaha paemo moha kanauꞌomu, tamaka tana sebantaha toha moha kanaumoomu dua.”

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.